[A:95]ཟུལ་བུ་སོགས་སྡེ་དགོན་ཡོར་ཡི་གེ་བསྐུར་ནས། ཤེས་མི་ཨེ་ཡོད་བང་ཆེན་རིམ་པར་བརྫངས་པས། ཡི་གེ་ཕྱེད་མི་གཅིག་ཀྱང་མ་བྱུང་ནས། དེར་བློ་གསལ་བ་འདྲས་སྙེ་ཐང་ཆོས་རྫོང་ཚོར?ཆོར་པཎ་ཆེན་བློ་བརྟན་པ་ཡབ་སྲས་བཞུགས་དུས་སྒྲ་དར་བས་ད་ལྟ་ཡང་ཤེས་མི་ཨེ་སྲིད། གཞན་དབུས་གཞུང་ཐལ་བ་འདི་ན་མེད། གྲྭ་ཕྱོགས་སུ་མི་གནང་དགེས་ཨེ་ཡིན་ཞུ་མི་བྱུང་བས། དེར་སྙེ་ཐང་ཕྱོགས་བང་ཆེན་བརྫངས་པས་ད་ལྟ་འདི་ཕྱོགས་ན་པཎ་ཆེན་ཡབ་སྲས་དེ་རྣམས་གཤེགས་རྗེས་རིག་གནས་ཀྱི་འཆད་ཉན་སྟོངས་ནས་མེད། སྔར་འདིར་བྱོན་པའི་གནས་སྒོའི་སློབ་དཔོན་ཆོས་ལེགས་པར་དགོངས་པ་ནི་དིང་སང་གྲྭ་ཚང་གི་ཞུ་དོན་ལ་གཞིས་ཀ་དེ་རང་ན་བཞུགས་ཡོད་པ་ཁོང་གིས་རྒྱུ་མཚན་འབུལ་ཐུབ་ངེས་ཡིན་ཞུ་བ་བྱུང་བས། དེར་ཚོད་བགམ་པའི་ཕྱིར་པཎྜི་ཏས་བཀྲ་ཤིས་ཀྱི་ཚིགས་བཅད་གཅིག་མཛད་ནས། འདི་དི་རིང་འདིར་དགོས་པ་བྱུང་བས་ཁྱེད་ཀྱིས་བསྒྱུར་ཨེ་ཐུབ་གསུང། གླང་ཕུ་ནང་པའི་ངོ་མཁྱེན་གཅིག་པཎ་ཆེན་རིན་པོ་ཆེའི་དྲུང་དུ་བཏང་བས། དེ་མ་ཐག་དེ་རང་ལ་མཆན་བུ་གནང་སྐད་གཉིས་བསྒྱུར་ནས་ཕུལ་བ་དེ་པཎྜི་ཏ་ལ་གཟིགས་ཕུལ་བས། མཧཱ་ལོ་ཙ་བ་ཨ་ཙེ་འདིར་ད་ལྟ་བོས། མིན་ན་ང་ཁོང་གར་ཡོད་སར་སྐྱོལ་གསུང་བྱུང་བས། དེ་མ་ཐག་སྤྱན་དྲངས་དེར་སྣེ་པའི་བཞུགས་གྲལ་དབུས་སུ་པཎྜི་ཏས་སྟག་ལུང་ནས་བྱུང་བའི་ཕྱག་དམ་རྒྱ་སྐད་མ་དེ་གནང་བྱུང་བ་ཐོག་མར་ལེགས་སྦྱར་གྱི་སྐད་དུ་ཚར་གཅིག་ཐགས་ཐོགས་མེད་པར་བསྒྲགས་པས་པཎྜི་ཏ་མཉེས་བྱུང། དེ་མཚམས་བོད་སྐད་དུ་བསྒྱུར་ནས། པཎྜི་ཏ་ཁྱེད་ཀྱི་ཡུལ་གང་ཡིན། རིགས་ཅི། སྡེ་པ་བཞི་པོ་གང་ཡིན། རྟེན་དགེ་ཚུལ་དགེ་སློང་གང་ཡིན། མཁན་སློབ་ཀྱི་མིང་གང། མདོ་སྔགས་གང་ལ་མཁས། བོད་ལ་བྱོན་ནས་ལོ་ཇི་ཙམ་སོང། ད་ལྟ་ཁམས་སྙོམས་སམ། འདི་དག་གི་ལོན་