[A:471]dngos kyis btsugs/ gu ge brgya gling thang dang/ rting khebs kyi chos 'khor dga' ldan rtse mo yang rje nyid kyi zhal ltas khyab nas btsugs pa'o/
rje rgyal rong pa chen pos rang lo re dgu pa shing mo yos la shri na lentra'i chos grwa btab/ de nas 'phros pa la/ shar rgyal mo rong du btsan la rgyal bus sbyin bdag mdzad nas/ gzhu ston bsod nams rin chen gyis rgyal byed tshal gyi chos grwa btab/ rab sgang du lha 'bri shes rab rdo rjes dge 'phel gyi chos grwa btab/ spom 'bor du dbus ston rin chen blo gros kyis ra mdo chos 'khor gling gi chos grwa btab/ mkhan chen padma bzang pos cho shul byang chub gling dang/ chos lung ka bcu pa'i mtshan can gyis gtsang sga gdong gnyis kyang rje rgyal rong pa nyid kyi bzhugs gnas su dmigs nas btab pa'o/
na lentra btab nas lo nyi shu rtsa lnga lon pa me mo yos la 'bras yul du bshad pa'i grwa btsugs/ de nas lo drug lon pa chu pho spre'u la mkhas grub don yod dpal gyis paN khyung tshang du bshad grwa btsugs/ de nas lo bco lnga lon pa me mo khyi la go bo rab 'byams pas rta nag gser gling du bshad grwa btsugs/ bshad grwa gsum po 'di thog mar 'dzugs pa dang bar du chags pa'i 'thun rkyen bla na med pa ni sa skyong nor bu bzang po yab sras kyis mdzad pas/ phyis gtsug lag khang dang chos sde phun sum tshogs pa dar zhing rgyas par gyur to//
yang gong dkar rdo rje gdan ni theg chen chos rje'i 'phrin las kyis rje btsun kun dga' rnam rgyal gyis/ me pho spre'u'i lo la btab/ mdo sngags gnyis ka'i bshad grwa tshugs te/ mdor na chos kyi rje sa skya paNDi tas sde snod gsum gyi bshad grwa thog mar btsugs nas/ dbus gtsang nyid du bshad grwa ji