[A:472]ltar tshugs pa'i tshul rags rim brjod pa ste/ mdo khams dang rgya hor du dar tshul ni re shig 'dir ma brjod la/ sa skya pas nyams len sgrub pa'i rgyal mtshan gzhan la rag ma las par tshugs pa dang/ rdo rje theg pa'i nyan bshad bla na med pa de ltar du tshugs pa dang/ 'jig rten gyi go 'phang dang gzhung lugs sngon gyi lha btsan po dag las kyang khyad par du 'phags pa tsam ji ltar byung ba'i tshul ni 'dir smos ma dgos la/ de'i rgyu mtshan gyis tshogs pa rgya mtsho lta bu'u dbus su lo rgyus gtong ba rnams kyis snyigs dus kyi 'gro ba phal mo che la chos rje sa skya pa'i chos rgyud dang gdung rgyud bka' drin che zhes gsung dgos par bkas bcad pa yin no/
yang bshes gnyen chen po red 'da' pa ni sa skya pa'i bshes gnyen chen po/ khyad par kun mkhyen dol po ba'i chos rgyud pa dag las rab tu byung zhing/ bslab sbyangs mdzad par snang yang/ phyis grub pa'i mtha' 'jog tshul/ dus kyi 'khor lo'i rtsa 'grel phyi nang 'dres pa'i bstan bcos dang/ 'khor lo gsum pa'i mdo dang byams pa'i chos thams cad lta ba sems tsam las ma 'das pa dang/ rgyud gsum man ngag dang bcas pa'i lta ba yang sems tsam las ma 'das pa kho nar ma zad/ gsang ba 'dus pa'i 'od gsal gyi rim pa yang bod snga mas sems tsam du bkral zhes dang/ dbu ma rang rgyud kyi lta ba sa dang po nas 'dor dgos pa dang/ thal 'gyur gyi lta ba sangs rgyas kyi sar yang 'dor dgos pa dang/ rje btsun rtse mo dang chos rje'i mtshan nyid theg pa'i bshad pa 'ga' zhig la mthing slad byed par snang ngo/
bshes gnyen de la slob ma gzhung lugs rab 'byams tu smra ba bdun du grags pa las/ shar btsong kha pa chen po dang/ rtsod pa phul phyin dar