[A:474]bya ba rnams/ sngon sha mi'i lag len la shin tu gsal yang bar skabs su nub pas gsos btab par grags pa ni chos kyi 'khor lo'i rnam bzhag gzhan gnyis par byung ba dang/ yang drung chen ta'i si tus lha sar yon phul nas/ jo bo drung du gsang bde gung gsum/ sga skyor zul gsum dang tshogs sde bzhi spyan drangs/ chos 'khor gyi rnam bzhag lan gnyis mdzad pa dang/ tshal pas kyang de ltar mdzad ces grags pa dang/ 'jam dbyangs gu shrIs yar lungs su rje bla ma dam pa thog mar bzhugs su gsol/ chos sde snga ma rnams kyi steng du rtses thang gi 'dus pa'i tshogs spyan drangs/ sde snod gsum gyi bka' bgro ba dang gleng slong bar mdzad nas/ rnyed pa dang bkur sti phun sum tshogs pas sngon byon pa'i bstan pa rin po che la byas shes drin gzo dang/ ma 'ongs pa na sa skyong 'byor pa can dang bshes gnyen legs bshad kyi mthu grub pa rnams phyag srol bzang po la sbyar ba yin no//
de ltar spyir brjod nas/ khyad par du kho bos chos 'chad pa'i grwar zhugs nas lo lnga bcu lon pa shing mo yos kyi lo la chos kyi 'khor lo'i rnam gzhag bgyis pa 'di ni/ rgyu mtshan dang/ dgos pa dang/ dus nam gyi tshe yin pa dang/ dge 'dun gyi tshogs ji tsam la chos kyi bgro ba gang byas pa dang/ dkon mchog gsum gyi mchod pa ji tsam grub pa'o//
rgyu mtshan ni/ phyi ma'i dus 'dir chos kyi 'khor lo bskor ba'i ming tsam yang nub pa gso zhing slong ba dang/ rab tu byung ba rnams lta ba dang tshul khrims kyi dbyen du gyur pa ni ma yin kyang/ rnyed pa dang bkur sti'i dbyen du gyur ba'i dus 'dir bkra shis pa dang 'thun pa'i gso sbyong gi sgo nas 'thun par bya ba'i phyir dang/ grub pa'i mtha' la mi mthun pa skad du sgrog kyang/ phyi ma'i dus su grags pa dag dang/ phyogs gcig tu 'dres