[A:475]par gyur nas/ rnam par dbye ba mi phyed pa dag la chos rab tu rnam 'byed kyi shes rab bskyed dgos pa'i rgyu mtshan gyis so//
dgos pa ni/ rang res lo zhe dgu lon pa me pho spre'u'i lo la chos sde'i gzhi btsugs/ sa pho spre'u'i lo tshun chad du rang dang gzhan gyi grub pa'i mtha' rnam par phye ba'i bstan bcos kyi tshogs gtso bor gyur pa'i sku gsung thugs dang/ dkon mchog gsum gyi rten dge zhing gya nom par grub pa'i rab tu gnas pa dang/ mchod pa'i tshogs kyis mnyes par bya ba'i dga' ston gyi rim pa la dmigs pa'o//
dus nam gyi tshe yin pa ni gtan tshigs kyi rnam gzhag mdzad po snga ma rnams ston pa sku bltams nas dang/ sangs rgyas nas dang/ chos kyi 'khor lo bskor nas dang/ mya ngan las 'das nas lo du lon zhes rtsi ba de'i tshe/ gtan tshigs spyi pa'i lugs dang/ khyad par ba dus 'khor gyi lugs shes gsung yang/ spyi pa'i lugs ni chos rje sa skya pas yi ger bkod pa de las gzhan cher med do//
'di la bu ston rin po ches lugs gnyis po 'di la lo stong lhag gi bar khyad zhugs pas lugs snga ma de ma dag pa yin nam/ phyi ma la rigs ldan gyi rgyal pos chos ma bstan pa'i dus rnams ma rtsis pa min nam zhes brtag la me mkha' rgya mtsho tshun chad ni lhag chad med par shes par bya'o gsung/ gsung 'di la dpags nas bod phyi ma dag lugs snga ma de la zin so med pas ma dag pa gzhir gzhag nas dus 'khor lugs la'ang me mkha' rgya mtsho tshun chad lhag chad med par 'dod pa dang/ yod par 'dod pa'i lugs gnyis las/ phyi ma la'ang yod lugs mi 'dra ba mang po byung par snang ba la/ phyis kyi mkhas pa kha cig na re/ gtan tshigs kyi rnam gzhag 'di la bod du mi mthun par smra ba bcu