[A:476]byung ba yin te/ ston pas chos 'khor bskor ba nas lo grangs mang shos la yang lo grangs mang nyung gi rim pa gsum dang/ lo grangs bar ma la yang mang nyung gi rim pa gsum dang/ nyung shos la yang de ltar gsum dang/ dgu po de thams cad ma dag par bzhag nas/ lo tsA ba gzhon nu dpal gyis dhru ba gyen log gi rtsis byas pa'i shes byed mang po bkod nas/ me mkha' rgya mtsho la drug cu skor bcu bzhi bsre ba dang/ de nas ding sang gi bar du lo lnga bcu tsam song ba byas pa yang yod do//
de thams cad bris na bzung dka' zhing rnam dpyod 'khrug pas/ re shig grags che ba gnyis po la sa skya pa'i lugs yi ger bris pa de gzhir gzhag na/ shing mo yos kyi lo 'di shar ba yan chad la ston pa sku bltams nas lo sum stong dang bdun brgya tham pa lon/ mya ngan las 'das nas bstan pa lo lnga stong du gnas par 'bum Tika las gsungs pa de gnas tshad mang shos dang/ thams cad zhal 'cham pa de'i tshe deng sang lung gi dus dang/ de las kyang mngon pa'i dus lnga brgya phrag gcig thal nas/ mdo sde'i dus kyi mgo tshugs nas lo brgya dang nyi shu tsam gyi dus/ mdo sde'i lhag 'byung 'gyur la lo sum brgya brgyad cu tsam dang/ 'dul ba'i dus lnga brgya phrag cig dang/ rtags tsam 'dzin pa'i dus lnga brgya phrag gcig rnams lhag mar lus so//
zhes bya ba dang/ dus kyi 'khor lo'i lugs rgyud kyi dngos bstan de nyid la phri bstan med par byas pa'i tshe/ lo tsA ba nam mkha' bzang pos byas pa'i yi ge na/
gdeng can ri bo lag mig la//
khro mo la sogs 'das lo bsre//
de ni don grub bltams pa nas//
da lta'i bar gyi 'das pa'i lo//
zhes 'byung la/ de gzhir byas nas rang res lugs gsum gsal ba'i me long du bris pa na/ sa mo glang gi lo yan chad du/
'byung ba dus dang me mig