[A:478]dang po gnyis pa la sde bdun mdo dang/ bcas pa'i bshad pa dri ma can du gyur pa rnams sun phyungs nas/ rang re'i lugs rigs pa'i gter dang 'thun par 'jog pa'i tshul rgyas pa dang/ yang 'dul ba'i mdo dang karmma sha tam gyi rgyas bshad la/ dri ma can du gyur pa sun 'byin dgos pa cher med kyang/ dpyis phyin pa'i bshad pa rgyas pa dang/ yang chos mngon pa gong ma la kha ba can du phyis log par sgro 'dogs pa ma byung yang/ sngon dus su nyan bshad shin tu dar bas sgro skur du gyur pa dag sun 'byin pa dang/ rang lugs dpyis phyin pa'i lung rigs kyi rnam bshad rgyas pa dang/ mngon pa gong ma la phyis dang sngon gang du yang log par bshad pa shin tu nyung yang/ 'grel pa dang 'grel bshad byings che ba'i stobs kyis bshad pa zur thon pa 'chad shes pa bod?pod gzhan gyi rnam bshad na mi snang ba/ grub mtha' zur phyin par 'chad pa'i rnam bshad rgyas pa dang/ dbu ma thal rang gi gzhung 'grel gyi tshogs rnams thad sor bzhag nas nges don gyi bag chags yod pa rnams la 'chad shes pa sla ba lta bur snang yang/ kha ba can du phyis nges don 'khyog por 'dren pa'i glegs bam gyi tshogs shin tu lcibs?lci bas non pa'i skabs 'dir/ gzhung 'grel gyi rnam bshad lhad ma zhugs pa dang/ phyis kyi bshad pa so sor 'byed pa'i rnam bshad rgyas pa dang/ byams chos rnam lnga'i tshig dang nges don gyi 'grel tshul thogs med kyis bkral ba 'di/ chos bdag po nyid kyis bkral ba'i bshad pa yin kyang phyis gangs can na dbu ma thal 'gyur ba nyid mchog tu sgrub pa'i bsam pas byams pa'i chos 'khrul pa'i 'dam du bcings pa dag gyen du 'degs pa'i rnam bshad rgyas pa dang/ rje btsun sa skya pa'i gzhung log par 'ched?'chad pa rnams sun 'byin pa'i rnam bshad rgyas pa dang/ gzhang yang gsung rab spyi'i 'chad lugs gsang sngags zab mo'i nges don/ chos 'khor