[A:53]ji ltar mnga' ba ni/ de yang rgyu lam gyi dbang gis thog mar smin pa'i bka' drin can theg chen chos kyi rgyal po ni/ nyams myong ye shes kyi ngo na rigs drug pa rdo rje 'chang nyid du gsal zhing the tshom mi mnga' la/ ma dag pa rnam shes kyi ngo na yang bla ma de mtshan mo mun nag gi nang na bzhugs pa'i tshe yang/ zhal gyi dkyil 'khor zla ba'i dkyil 'khor nya gang ba ltar gsal zhing dngas pa'i 'od zer kun du 'phro ba dang/ sku'i cha shas lhag pa rnams kyang dngas shing thogs pa med pa nyid du mthong gin yod pa yin zhes gsung ngo//
rje rgyal rong pa chen po ni/ de yang yongs su grags pa'i mi rnams kyi rnam par thar pa las shin tu 'das par mngon sum du mthong bas/ rang re'i chos dang srid kyi yon tan gang mchis pa thams cad khong gi bka' drin yin te/ gzhon nu'i dus rang gi yul ngan la zhen pas lus na/ btsun pa'i gzugs can phal pa zhig las mi 'ong ba la/ phyag phyir nan gyis khrid cing 'brangs pas bslab sbyangs mthar phyin mkhas pa'i grags pa thob byung/ bar du yang rang yul du 'khor nas nyan bshad kyi gzugs brnyan zhig byed dgos byung pa der chags na/ bzang ldan pa'i slob dpon gyi ming btags/ mi tshe chags sdang la skyel dgos shig 'ongs par yod la/ rje khong pa dbus nas gdan sar phebs pa'i tshe/ nan gyis phyag phyir khrid pas/ ding sang bya bral du khas blangs/ chags sdang gi lam las grol/ mi che rgu kun gyis bkur sti byed/ bstan pa la yang phan thogs par byung bas/ rang re'i dge legs thams cad bla ma khong gi phyogs su bsngo ba yin zhes gsungs/
rje ngor pa chen po ni/ gsang sngags rdo rje theg pa'i chos zab cing rgya che ba ches shin tu mang po dag/ gsang sngags kyi chos ltar bcos pa gzhan dang ma 'dres shing/ nang tshan so so'i yang dmigs phyed par thugs la btags pas tha mar bka' drin che/ bla ma 'di la ni mkhas