[A:416]'phan yul dang/ dbu ru stod smad kyi gnas so so ba mang po rnams su dbang bskur/ rjes gnang/ khrid bka' che chung so so ba/ mdo sngags kyi bka' dang bstan bcos mang po'i lung/ bla ma gong ma'i bka' 'bum so so'i lung bshad rnams rgya cher mdzad pas/ mnga' ris dang dbus gtsang khams gsum gyi slob ma'i tshogs rab tu mang po dag rjes su bzung zhing/ phan thogs pa zab cing rgya che bas bstan pa'i gsal byed rab tu mang po dang/ mi che dgu kun gyi bla na rab tu gnas par gyur to//
de nas rang lo bzhi bcu zhe gsum pa me mo phag gi lo vc: 1467la/ sngon rje thams cad mkhyen pa nyid kyis lung bstan pa bzhin/ shrI na lentra'i khri thog tu spyan drangs te phebs so//
gdan sa der lo drug bzhugs pa'i chos dus gnyis po la/ snga chos dang phyi chos gnyis ka rgyan rtsa 'grel/ rnam bshad tshig don rab tu gsal ba'i spyi don dang gzhung don mtha' dag thugs la chub par mdzad nas tshar re gsungs/ gsung ngag rin po che yongs su rdzogs pa/ gsan mkhan mang dus stong zin dang/ nyung dus su 'ang drug brgya yan la tshar re ma chag pa gsungs shing/ nyung shos la dgos pa'i dbang gis res 'ga' tshar gnyis gsum re gsung ba'ang mdzad/ de dag gi bar mtshams su dbang bka' dang rjes gnang/ bshad bka' dang bshad lung/ rab byung bsnyen rdzogs sogs rgyun mi 'chad du mdzad pas/ mdor na gdan sar ji snyed bzhugs pa'i ring la sku mtshams dam par bsdams pa sogs so dal gyi bgyi ba gang yang ma mdzad do//
de skabs su dngul gdung rin po che sngar bzhugs pa de la bzo bcos su mdzad de// rgyu dang bkod pa phun sum tshogs par bsgrubs pa dang/ nyag bre shes rab dpal gyis bzhengs pa'i bka' 'gyur dgon par 'bul ba'i zhal ta dang gnang sbyin mdzad nas spyan drangs pa dang/ zang zing gi longs