[A:415]slob ma'i tshogs la chos kyi gsung tshul brjod nas/ zhar la rlabs po che'i bgyi ba ji ltar mdzad pa/ brgyud pa 'dzin pa'i bu slob ji ltar byung tshul brjod nas mthar phyin pa'i mdzad pa ngo mtshar can kha gcig mdo tsam du smos pa'o//
3.1
dang po ni/ skyes bu dam pa 'dis chos gsungs pa'i thog ma ni/ chos grwa gong 'og gnyis su bshad ston dang rnam gzhag rgya chen po mdzad pa'i stengs su/ rgyal lha khang gi dbyar dgun gyi chos dus gnyis/ dpyid ka bra po sgang sogs su chos gzhi bteg pa dang gsum po la/ mngon rtogs rgyan rtsa 'grel/ rgyal ba'i 'gros kyi stengs nas yongs su rdzogs pa tshar re song ngo shes pa lo grangs bdun brgyad dang/ glang thang du chos dus gnyis pa la/ phar phyin mkhyen gsum tsam re dang/ skyes rabs/ dpe chos/ blo sbyong rnams gsung pa lo bzhi tsam dang/ dgon yan phyin gyi sgrub mchod kyi gral dbu/ theg chen chos kyi rgyal po'i phyag len ji lta ba bzhin du lo grangs du mar mdzad/ skabs der glang thang du spyan snga rin po che gong ma bde bar gshegs pa'i nang rten rje btsun byams pa'i gser sku rgyab mtho bcu gsum pa/ gtsug lag khang ka chen bzhi tog dang bcas pa rgyas par bsgrubs/ rab tu gnas pa chos rje bkra shis rnam rgyal gyis mdzad/ lha'i me tog gi char zhag grangs mang por phebs/ mar gyi me tog bkram pa'i shing skam po rlan dang bral ba la/ yal ga rlon pa khru gang tsam gnyis 'khrungs/ gzims spyil du zhugs dus lam 'bras brgyud pa'i gser sku nyi shu rtsa lnga tsam dang/ bris sku grangs las 'das pa dang/ rje btsun gong ma mtha' dag gi bka' 'bum sogs gsung rab dpag tu med pa bzhengs/ rab tu gnas pa dang rnam gzhag rgya chen po yang yang mdzad/ dgon gong 'og gnyis kyi gdan sa gtad rjes su/ spyir chos gsan pa rgya che mod/