[A:406]ring por dben pa'i gnas rab tu mang por/ lo'i grangs gnyis tshan dang/ gsum tshan la sogs pa'i dus kyis rtse gcig tu sgrub pa mdzad cing/ slar yang bshad sgrub spel mas 'gro ba rab tu mang po smin par mdzad cing/ bshad sgrub kyi rgyud pa 'dzin par nus pa'i dge ba'i bshes gnyen rab tu mang po dag smin cing grol bar mdzad pa po ni/ rje btsun chos kyi rje kun dga' rdo rje zhes mtshan rnam par dkar ba de nyid do//
'di nyid kyi rnam dkar gyi phrin las dang mdzad pa mdo tsam du brjod pa la gsum ste/
1
thog mar mngon mtho'i go 'phang brnyes nas bsod nams lhun gyis grub pa'i tshul/ 2
nges par legs pa'i lam la bslab sbyangs mthar phyin pas ye shes kyi tshogs ji ltar bsgrubs pa/ 3
rang rgyud smin cing grol nas gzhan don phrin las ji ltar mdzad pa'o//
1
dang po ni/
sngon nyid nas bsod nams dang ye shes kyi tshogs bsags pa che zhing/ rnam par dkar ba'i smon lam gyi mthu phyin ci ma log par grub pa/ byang chub kyi sems bskal pa du mar sbyangs pa dang ldan pa dag ni/ spyir du na/ yul ljongs dge mtshan dang ldan pa dag dang/ de yang rigs mtho zhing cho 'brang phun sum tshogs pa dang/ rab tu byung ba la gegs med cing/ 'thun pa'i rkyen 'dod dgu'i nyid du 'byor pa dang/ log pa'i bshes gnyen dang mi phrad cing/ yang dag pa'i dge ba'i bshes gnyen gyis rjes su 'dzin pa gegs med pa'i sa phyogs dag tu skye ba 'dzin pa dang/ de'i mthus sa phyogs der dge mtshan dpag tu med pa 'byung ba ni rten cing 'brel par 'byung ba'i chos nyid do//
de'i nang nas 'di pa'i rigs ni/ sngon gyi dus nyid nas dge ba'i bshes gnyen dang/ byang chub sems dpa' mang po dag dang/ yul ljongs kyi gtso bo dang/ sde pa so so bdag gi bdag por gyur pa dag mang du byung ba'i rus chen rma zhes bya'o//
de'i rigs las phyis byon pa ni bka' gdams kyi khri