[A:407]dpon don grub rgyal mtshan la rgya ma si tuse tu zhes grags/ de'i sras bar pa rdo rje snying po zhes pa/ rje bla mas mtshan du btags pa de la/ sras dge ba'i bshes gnyen ri rab lta bur gyur pa gnyis dang/ khyim pa'i byang chub sems dpa' gsum ste/ lnga tshar zhig byon pa las/ bar pa drung dge slong nam mkha' mchog grags zhes/ theg chen chos kyi rgyal pos mtshan du btags pa de dang/ yum dpal mchog mtsho mo zhes bya ba/ sgyer gyi gdung 'dzin chen po rin chen bzad?bzang po'i sras/ gzhis kha bsam 'grub rsate'i rdzong dpon dpal ldan chos skyong gi sras su gyur pa ste/ yab dang yum de gnyis las sras dge ba'i bshes gnyen gser gyi mchod sdong lta bur gyur pa gsum pa dang/ sde'i bdag po yul ljongs pa kun gyis ma sangs mched gnyis zhes/ bstod bkur gyi gnas su gyur pa dag dang/ lnga tshar zhig 'khrungs pa las/ rje 'di nyid shing pho 'brug gi lo pa vc: 1424/ yum gyi lhums su zhugs pa tsam gyis/ yab yum gyi thugs la dga' bdes khyab pa dang/ dgun shing rtsi kha 'bub dang/ me tog 'char ba dang/ yum gyi rmi lam du nyi ma 'char ba la sogs pa ltas khyad par can gyi sgo nas/ skar ma rgyal dang bcas pa'i 'grub sbyor bzang po la 'khrungs so//
sras 'di bltams pa nas bzung ste/ spyir yang sde pa 'di la pha rol gyi 'tshe ba med pa dang/ nang du 'byor pa 'phel ba dang/ phyi'i mi mthun phyogs gnon pa dang/ lo nyi shu rtsa gcig gi bar du zhal ngo la rkyen sgo chod pa 'byung ngo// zhes gsung ngo//
khyad par du yang sras rang la dmigs pa'i rkyen gos dang/ 'tsho ba'i rkyen gzhan las ches bzang ba 'bad med du 'byung zhing/ dper na gsol mar la dmigs pa'i 'o ma phru ba gang la mar phru ba gang byung ba dang/ lan cig bu rdzi yengs pas g.yang la lhung ba rlung gis btegs pa lta bur byung