[A:441]brlabs che zhing/ rnam grangs mang ba dang bcas pa bzhugs su gsol nas/ dge ba'i bshes gnyen 'dus pa rgya mtsho'i tshogs kyis rab tu gnas pa rgyas par mdzad pa bsgrubs nas/ spyan dbye'i dga' ston gyi rim pa rgya che la byin chags pa/ 'ja' tshon gyi gur dang/ me tog gi char la sogs pa ltas mang po dag dang bcas te lhun gyisgyi grub par mdzad pa yin no//
'dir smras pa/
blo gros 'khor yug yangs pa'i sa chen 'dir/
bslab gsum rgyal mtshan tshugs pa'i rtse mor ni//
dpal ldan phrin las bzang po'i nor bu yis//
dge legs char chen phebs pa'i bkra shis spyon//
gang gi rang bzhin gnyen zhing gshin la khro mi mnga' bas log par gshe la'ang 'dzum mdangs bzang pos gsong por smra mdzad pa//
nam du yang ni khrims dang thos pa'i rlom pas khengs par mi mdzad mtho dman yongs la phrag dog med par kun gyi dge la yi rang bas//
mang du gsan dang bshes gnyen tshol la skyo ngal spangs pa'i brtson 'grus kyis ni mtha' yas yon tan tshogs rnams lhun gyis grub//
dngos grub kun gyi rtsa ba rdo rje slob dpon rdzogs sangs rgyas su lta byed mkhan de blo gros rgyal mtshan dpal bzang po'i//
mdzad pa yin no de dang mtshungs pa gzhan dag gang na mchis kyang gus pa'i yid kyis thal mo sbyor//
zhes/ rje btsun chos kyi rje glang ri thang pa blo gros rgyal mtshan dpal bzang po'i rnam par thar pa mdo tsam du bya ba mos pa'i stobs rab tu bskyed pa zhes bya ba'di ni/ rje btsun dam pa de nyid kyi dbang lung dang/ bshad pa dang/ man ngag gi rgyun bzung nas/ sgrub pa'i brgyud 'dzin pa la mchog tu gzhol ba/ rgya ma kun spangs pa ngag dbang dpal 'byor bzang po dang/ mang du gsan pa rgya mtsho'i dbus su gnas pa bya yul mkhan po rgyal mtshan mgon po ba sogs kyis bskul ba'i ngor bgyis nas/ glang ri thang pa