[A:129]pa'i nad g.yog pa rnams la/ bu chos rje dang ma mjal kyang khong gis byin pa'i gdams ngag brjed pa med/ dbugs 'gro khar khyed rnam pas a zhes sgra che ba vc: cheb?thos nges pa rna bar thos zer/ chags med kyi spobs pa bzang po dang bcas bzhud 'dus pas rang yang ngo mtshar skyes/ sa rten la tshems gcig bsregs pa las ring bsrel mu tig gi brdog ma lta bu'i 'dod chags bsnyon med du 'khrungs shing/ a ma de nges par mi las 'das pa'i DA ki ma cig yin snyam pa'i nges shes khyad par can snying la byung ngo//
de nas rim gyis ma yi khyim//
rnam par rgyal ba'i khang bzang der//
smin drug can gyi rigs ldan ma//
chags bral phyogs kyi dga' ston mthar//
gser mdog chos gos 'dzin pa yi//
bu dang las can ma la dag//
'dud cing rab dga'i dbang gyur la//
bu yi ngur smrig saM gha tsi//
legs bgos ma nyid lung bstan pa//
badzra dzo ki ni zhes pa'i//
Arya tA re'i ngo bo ces//
snying nas yid ches ldan pa'i tshig//
gzhom med na dar rab grags pa//
ngo mtshar las kyang ngo mtshar te//
tshogs brjod 'os pa min pa'i gtam//
dbugs 'byin rnyed pa bzhi pa'o//
der ma rgan lus kyi sgrom bu chos ston gyi bdud rtsis smin par bgyis nas phu phag tu dus chos kyi lam 'bras shin tu myur ba ma chag tsam zhig bshad/ dgun nas dpyid sos bar brag steng gi rang shong spyil bu nyid du yang dag 'jog gi rnal 'byor lhur len pa la g.yel ba med pa'i ngang nas/ phyogs bcu nas 'dus pa'i srid zhu ba gcig rjes gcig gis 'phrod pa'i rgyun mi 'chad kho na byung/ ni gu'i tshogs gral zhig la mi sum cub