[A:140]ldan pa'i brtul zhugs 'chang ba de dag rang dbang med pa'i dad pa'i rlabs g.yos/ nged rang gi lham gtsug tu len pa sogs mi phyed pa'i dad pa dang rgyu 'bras la 'khrul med du yid ches pa'i yang dag pa'i lta bas skal ba khyad par can gyi rnyed pa dang bcas/ yi ge drug ma'i sgra di ri ri/ tshong pa nor bu'i gling nas re ba'i bsam pa rdzogs pa ltar/ slar rang gi yul ga la ba der log rjes/ 'bri khung mkhan rin po che dpon slob rnams la ni gu'i mgyogs khrid/ bde mchog dril nag gsum gyi dbang/ gzhan yang dgongs bzhed ltar gyi 'dod chos lhug par phul/ mkhan chen pa nyid kyis chig rdzogs kyi gnas legs par bzhes/ thugs dad mos bcos ma ma yin pa sngar nas kyang 'dug cing/ slar yang 'phel te gdung shugs kyi spyan chab ser phran drag po 'bab pa la 'gran du bzod pa'i rgyun nyin mtshan khor mor g.yo ba dang bcas 'bral bar mi phod pa'i ngang nas 'bri khung gi gdan sa chen po nyid du phyags thegs/ lam 'bras sogs chos rnams kyang bar chad med par mthar phyin/ mon phyogs nas phul ba'i ras cha sngo dmar/ sman/ mkhar ba'i phor gzhong/ shing 'bras/ khyad par zas mchog pos su sbyar ba lha'i zhal zas la bskrun par nus pa de rnams cung zad kyang ma 'bags par/ gzeb che ba gcig gi nang du bkur stir bgyis nas bdag gir gzung/ gzhan 'bul ba longs spyod thams cad der 'dus kyi dge 'dun kun la sna cig kyang chud ma zos par sbyin gtong byas/ sa 'dir skya btsun khongs su ma Ni dung 'gyur nyi shu rtsa lnga 'khrul med len mi byung ba rnams bla ma'i thugs dgongs rdzogs pa'i bsngo ba