[A:166]rgyud 'grel gyi lung/ skyes rab nang stag rgyud gsum gyi lung/ mchog mi 'gyur gyi bshad pa/ tshe dbang brgya rtsa lan grangs du ma/ rta mgrin yang gsang khros pa'i dbang/ beg gdong gi rjes gnang/ gying lnga gza' gdong lcam dral gyi srog dbang/ bde mchog ldu vc: lU?dril nag gsum gyi dbang/ mkha' spyod ma'i byin rlabs sogs zur chos/ pha rin po che'i thugs dam ma grol bar du 'jur bar bgyis te/ bka' 'grol zhus/ stag lung nas 'bod mi dang lhan du sna dkar du sleb/ zhag bco lnga tsam gyi ring nyin mtshan ngo mi shes pa'i chos 'chad/ gtso bor rgyal sras chos rdzong pa nas brgyud pa'i bsnyung gnas dang/ blo sbyong bka' babs bzhi ldan nyid tshogs chos su bgyis/ zur du drung ras chen pas gtso mdzad la grub thob brgyad bcu'i byin rlabs kyis mtshon pa'i dbang lung grangs las 'das pa/ nai gu'i mgyogs khrid bzlas pa tshar bdun tsam bgyis/ ne ser du drung sher phyin ma la kar lugs gyi phag mo lha lnga'i dbang chos 'grel du phul zhing/ bdag gis kyang de nyid ka bka' 'grel du zhus/ bsam grub rtser pha rin po che'i zhabs la btud bcag mal bgyis nas/ dpal snar thang gi mes dbon rnams dang mjal/ bde mchog nag po pa dbang 'ga' phul mtshams/ e waM du phyin chos rje gdan sa pa'i drung du/ bka'i 'grel par bla ma gong ma'i dbang khang der tshe dbang lha dgu ma zhig zhus/ dar kha chen sum cu lhag tsam/ ras yug kha bco brgyad yod pa gcig gi sna drangs/ ras yug drug/ phyag gser zho gang rnams phul/ dge sdings su dpal sa skya pa gzhi thog pa'i drung du tshe dbang lha dgu'i bka'