[A:170]rings ni gu bzlas pa lan bcu bdun tsam mi rtag skyo shas kyis bskul nas rang gzhan kun la smin par bgyis/ brag stengs su mtshams zhag bdun ma'i spyad cha shin tu dam pa'i ring/ sngar rang lo nyer gnyis pa la/ gnas de nyid du rnam sras rta bdag brgyad kyi mtshan ma gsal por mthong ba'i dus/ g.yon phyogs kyi stengs thad la 'dug pa'i gnod sbyin a pa ra dzi ta'i gzugs shin du gsal ba rab kyi mthar phyin pa cig ja phor la byung ba yongs kyi mig lam la phebs/ slar log nas yongs dus rgyal thang chu bzangs su gtor gsos rgyas pa/ snyan dar gser mchod rnams brdzangs/ zu lung du sngags gzhon gcig la gsol mchod kyi lag len bslabs shing spos shel sogs ster sbyin yang dag byas nas ngam rings la brgyud/ dgun tsha'i jo bo'i drung na lo chen dpon slob bka' gyur ro cog gzigs tog gnang ba'i drung du sleb/ gser bsrang gang/ dar kha gsum sbrel/ do sbral/ kha rkyang re re nged rang dpon slob kun gyis so so nas phyag mjal du bgyis nas dgon sar du paN chen rin po che'i drung yang mjal mtshams/ dpal ldan sa skyar gdung brgyud rin po che'i thugs bzhed/ spos shel gyi thub pa/ dzo ki rdzas sna tshang/ gur gum/ ne tso sogs dgongs pa la 'byor pa'i dgyes pa bskyed/ spyir rten mjal che longs dang/ khyad par rje btsun rin po che'i sku 'dra mdze thod ma la dgos pa'i khyad par gyis rten 'brel gyis dbang las snyan dar rnam lnga/ spos chag ma'i maNDal/ sgo rngum gyi mgon po'i drung du snyan dar kha yig 'byar ba bcu gsum/ gser gyi mchod phran/ dge 'dun bcu phrag lhag pa'i gtor sgrub dang bcas phrin