[A:193]las 'das pa'o zhes pa'i khas len 'gog/ mi rtog pa'i skabs su chos gang la yod med dang yin min rtag chad sogs mu bzhi'i sgro 'dogs chod nas khas len ci yang med/ 'dzin stangs gang du'ang mi sbyor bar/ mi mno/ mi sems/ mi bsgom/ mi dpyad par mnyam par bzhag bya med kyang/ de nyid la mi rtog pa'i rnal 'byor gyi tha snyad byas pa yin no// gsal ba'i lta ba thun mong ma yin pa sngags las gtsor gsungs la/ zab gsal gyi lta bas mdo sngags kyi lam rdzogs la/ bsgom pa la bskyed rdzogs gnyis/ bskyed rims la'ang bskyed rim dngos dang rdzogs rim thun mong ba dgos te/ tshogs gnyis zung 'brel du nyams su blang dgos/ rdzogs rim la'ang rten bskyed pa'i rim pa dang/ brten pa rdzogs pa'i gnyis su yod/ de la sku rdo rje'i khrid/ gsung rdo rje'i khrid/ thugs rdo rje'i khrid/ dbyer med ye shes rdo rje'i khrid rnams gsungs/ dang po las/ sor bsdud chos sku sngon du byed pa'i khrid yin/ bsam gtan gzugs sku sngon du byed pa'i khrid yin/ de yang rtogs pa rags pa la dmigs pa gtso bor 'dzin cing/ dpyod pa/ de las shin tu phra ba la spyad na bsgom pa yin no// dga' bde gnyis phan yon gyi yan lag yin/ de bzhi sngon du song ba las sems brtse ba gcig don gyis 'byung ngo// ces stong zob kyi dpe glags lung tsam du ma song ba'i thugs kyi re ba yongs su bskangs/ gcung rin po che ras chen pa'i drung du/ zhabs drung chen mor phul ba'i bka' chos ji snyed pa skyar chos su phul zhing pha gcig bu gcig gi dgongs rtse gnang/ tshogs pa spyi la ni gu phyag chen zab rgyas kyi