[A:234]brten bya'i dkyil 'khor bde mchog nag po pa la brten pa zhig legs sam gsung ba'i bka' lung byung yang da len gang la rab tu gnas pa'i lha yin phyin bcom ldan 'das dpal mkha' 'gro rgya mtsho rang la brten cing/ de'i bdag mdun gnyis 'brel ni dkyil 'khor chos pa nas rab gnas dngos gzhi'i me tog 'bul ba la gza' skar dus sbyor sogs mi 'grig pa dang/ brtan bzhugs yang nyi phyed nas byed dgos pa snang bas/ bdag bskyed nyid la brten zhing nub dang po sta gon gyi rten khab yan song rjes/ gnyid zhwa dben tsam phud nas tho rangs nam gyi brgyad cha nas cho ga'i dbu btsugs pas tsha rting ma tsam la bdag bskyed bzlas pa yan bsgrubs/ de rjes bgegs bskrod khrus gsol rten bskyed ye shes pa spyan 'dren sogs gus ma phyed pa ma song mtshams/ rab gnas snying po brtan bzhugs skabs rgya bal gyi paNDi ta a tsArya dze kun gyi phyag bzhes ltar bzo bos lag pas tho chung gzung nas lha'i sku la 'jus rjes mchod dgos pas gzungs thag gi sne'i rdo rje bsten zhing thugs khar gtad/ rdo rje slob dpon rang gi dril bu'i sgra dang bcas nas lhag gnas kyi me tog mthor ba dang lhan cig rwa trau sogs bkra shis kyi glu dbyangs bskul ba'i sngon chad bod yul gyi lag len pa rnams la ma grags pa'i khyad chos de nyid de dus bgyis/ de 'phral zhal dro'i rgyas pa'i sbyin sreg dang 'o thug sgrub pa'i lag len yang chog bzhin du byas/
de nas thog mar bkra shis spyi 'gro'i byin 'bebs sngon du btang nas/ sbyin pa'i bdag po rig ldan chos kyi rgyal po chen pos dpal mkha' 'gro rgya mtsho'i dkyil 'khor bcu gnyis kyi rten dang