[A:235]brten par bcas pa'i dkyil 'khor ma lus pa'i bkra shis kyi tshigs su bcad pa sdebs legs ngo mtshar ba'i thugs rtsom gnang ba'i steng nas yon mchod kun gyis mgrin gcig tu dbyangs kyi nga ro dang bcas nas bkra shis kyi me tog rab tu gnas pa'i lha la byin 'bebs/ der 'dus kun gyis phyogs bcu nas mdzad skabs/ dbyings rnam par dag pa'i nam mkha' baiDUrya'i kha dog lta bu nyi 'od kyis rgyan pa las bstan pa la mngon par dga' ba'i lha tshogs dpa' bo dang rnal 'byor ma'i dbang phyug ma kun gyi lha rdzas kyi me tog phreng ba char du phab pa yang bdag gi grwa pa 'ga' re dang gzims gnyer ba kun gyi mig lam du phebs nges brdzun bral byung zhing/ de'i tshe bdag gi shes pa la yang mkha' spyod bde ldan gyi steng gi nam mkha' la lha'i tshogs sprin stibs pa bzhin du 'khod pa'i nyams dang lhan cig lus ba spu long long du g.yo ba'i dga' ba rgya chen sngon myong yul du ma byung ba'i yid mgu ba bla na med pa yang dag pa'i ting nge 'dzin lhug pa yang bsnyen med du rgyud lam skyes/
de nas mnga' dbul gyi skabs dpal po yang blo'i yul las 'das pa ngam rings/ pho brang/ lhun sdings/ lha khyung/ rta zur sogs kyi gnyer 'dzin so sos rgya cher bsgrubs/ chos rgyal yab sras mes dbon rnams sbyin bdag sgo ba la sku chas gzab rgyas kyi rgyan sprod dang bcas phebs mtshams/ cho ga ji lta ba'i sgo nas yon bdag bsgo ba bsgrubs/
de nas bdag la gral gtso la shog gsung pa la/ bdag mdangs mtshan yal gnyid ma byung ba dang/ brjod byed kyi cho ga ngag 'don lcis pas lus sems dub pa'i rnam pa mchis pas mi yong/ da res gral gtso