[A:40]shar sogs kyi rten gsum gnas mjal la zla phyed zhib len byas/ kha 'u'i brag rdzong du kun spangs rin po che la/ dpal mgon thim pa'i brag sgo de nyid du zhal bzhi pa'i rjes gnang zhus pas/ ti se/ bsil ba tshal sogs chos skyong gi gnas rnams nas mgon po 'khor bcas ling ling 'byon pa'i snang ba/ ye shes dbab ring la gsal bar byung zhing/ dbang bka' rjes gnang zhus so cog la de 'dra'i zil yong mi dran/ phyis rang gi slob ma dam tshig can 'ga' re la rjes gnang byed dus/ rang rgyud la sngar gyi myong ba de ji lta ba lan 'ga' re gsal bar byung/
de nas zla ba gnyis pa'i dang po'i tshes la chos grwa gser mdog can du sleb pa'i dpyid chos nas slob gnyer btsugs/ slob dpon rin po che'i zhal mnga' vc: snganas nyin re bzhin thun mong zin thun dang/ bsdus sbyor rtsi ba rgyun ldan du byas/ de lo spyi chos la sdom gsum Tikka nyid kyis mdzad pa'i steng nas bshad lung/ gser thur/ bya pa dris lan sogs gnas 'di'i yig cha rdzogs par byung/ zhogs pa sngar mnga' ris su gzung ba'i phar tshad sdom rig sogs kyi gzhung brjed gso'i rnam pas blta rtog byas dus/ rang yul du brgya tshar mang po'i bshar sbyangs smin pa'i nus pas tshig phyed la yang 'khrul med gzhung gnon pa mi non pa tsam byung ba des slob dpon rin po che dgyes pa rab kyi mthar phyin te/ a la 'byon lam sar sbyang 'bru cig ma mdzad pa la/ gtsang zhing ma 'dres par gzhung chen 'di rnams thogs med du thon pa mi brjed pa'i gzungs thob pa yang rang du 'dug go gsung/ bdag cag rnams la gsar chos su tshe dbang grub rgyal ma/ seng ge gdong