[A:39]che bar 'dug pas/ phyogs bcu mun sel sogs thun pod rnams klog pa dang/ lam la yang kha don/ phyi gtor nang gtong rnams ma chag par gyis/ thub pa dgongs gsal nas gsungs pa'i phyogs gar 'gro'i sangs rgyas rnams la skyabs 'gro gsol btab phreng skor re tsam yid rtse gcig pas bsgrubs/ dus dang gnas skabs kun tu rkyen bde sdug ci byung yang chos kyi dgos pa ma shor ba gal che/ 'di nam 'chir 'chang ba'i zhal ta'i dngos gzhi yin no// ces brtse bas rjes su gdams pa'i rdo rje'i gsung 'di dag ni/ dred po chos rgyus mkhan bdag la gnas skabs thams cad du dran pa tsam gyis chos min gyi snang ba btsan thabs su bzlog pa'i yid ches kyis ngo bo mthar thug pa'i bka' drin 'khor ba med pa'i byin chen po nam du'ang mi brjed pa'i gzer bu ther zug tu gnas te/ zab mo mtshal mgo ma'i gegs sel ltar/ dgos dus yig ngor lus pa ma yin pa'i/ dran chog lam gyi go char dngos su rtol ba 'di nyid yin/ dus der 'bral bar mi spobs pa'i gdung shugs ngang nas ci bya tol med pa'i yus kyis zhabs spyi bor bkod pa tsam la sems kyi rten po byas/ mig chu rgyun mi 'chad par 'dzag bzhin du shar phyogs la yong/ byis pa'i blo tshod dang sbyar ba'i bla ma'i mos gus rang blos mi khrel ba tsam de dus skyes 'dug/ zla phyed song ba'i lam du/ las stod sman khab pa'i nyer 'tshe la brten yid 'byung che bar byung yang/ yongs dus kyi ma 'ongs lung bstan dran/ zhe sdang mngon gyur ba spu rtse tsam yang ma skyes/ de nas rim gyis dpal ldan sa skyar sleb/ lha khang chen mo steng shod/ bzhi thog/ sgo rum/ bla brang