[A:46]bI ru pa/ zla ba grags pa rnams kyi rtogs brjod/ gangs can gyi rgyan drug/ sa paN la kun las khyad par du bsngags pa/ byams pa'i dkar chag/ chos 'khor gyi deb gter mdzangs pa dga' byed/ sdeb sbyor me tog chun po'i don 'grel/ smra sgo mtshon cha'i Tikka'i lung rnams phal cher dgongs ja'i steng du thob/ dus de tsa na bstan pa yar ldan du 'dug pas grwa dpung yang 'phel rgyas che zhing/ snyoms chung la yongs kyi brtse ba/ phan tshun bslab sbyangs kho na'i 'gran dang/ grub mtha'i tshig zur nang sel bag tsam la mkhas pa nang rtsod pa'i brjod gleng cung zad las/ 'jig rten lab ris kyi rjes mi spyod/ 'thab rtsod kyang 'khon 'dzin dang bral ba sgyu ma'i gar mkhan gyi rol rtsed lta bur ston pa/ myos 'gyur/ phyi dro'i kha zas sogs la ngo tsha dang 'dzem bag che ba'i kun spyod ma log par yod grwa sar sdod rin tshogs pa rgya mtsho lta bu'i dbus nas 'khos med kyi btsun chung bdag la slob dpon mkhas pas thugs kyi brtse ba mi mnyams pa'i bka' drin chen pos/ spyan gyi 'bras bu ltar 'tsho bar mdzad de/ nam mjal yang slob gnyer gyi bskyed ci byung dri mal kho na gnang ba dang/ sku mdun na dge bshes che phra su yod dang 'bel gtam gyi sleng slong mdzad/ dal bar bsdad na phangs pa lta bu'i brtse gdung gnang/ skabs der grwa tshang du sdom gsum rab dbye'i sngags sdom gyi dbu nas gzhung skyur gnang ba la/ de thad kyi TIkka bstan pa'i sgron me rang gi tshig rigs tshang ba dbugs theng gcig la bshar bas/ dge 'dun tshogs pa thams cad kyang thugs ha las shing/ nye ba 'ga' res khong rang gi thugs rab kyi 'khyongs