[A:53]sos dal ma byas par skor ba dang chu 'thor ba sogs gnyid sang ba'i thabs bsten/ dus de'i snying rus la sus kyang 'gran du med pa'i tshul dpang po dang bcas pa kho na yin/ de skabs paN chen byams pa gling pa yang lam 'bras gsan pa la thab btegs te smon thang nyid du phebs yod pas/ nyin re bzhin thun mtshams su rgyud gdams ngag gi 'bel gtam nyi rtser zhus pas/ mtha' chod pa'i bshad pa yig ngo la ma ltos pa kho nas/ ma go ba'i gnas thams cad 'grol bar mdzad de/ 'di la ci skad gsung snyam dri gtugs phul ba thams cad la sngon gyi grub mtha' smra ba rnams 'di'i skabs su 'di ltar bzhed/ kho 'di ltar bsam gsung ba sogs legs par bshad pa'i gtam gyis gang ma go ba de nyid la dpyis phyin pa'i bshad pa mtha' 'khyongs pa stsal bas yid mgu ba thob pa'i bka' drin mdzad cing/ rgyud tshul bzhi'i bshad pa'i chos mtshams dang/ snang gsum grol ba dus mnyam du mdzad/ sems bskyed skabs kyi skye bo dad can stong phrag 'dus pa'i dbus/ dgos skal gyi byang chub tu nges pa'i blo kha tsam min par skyes/ slob ma rjes 'dzin zhus/ bsags sbyangs skabs de lo rgyu dus la zla ba phyed gnyis tsam 'gor ba'i bar/ drung pa chos rje'i drung du sngar zhal mjal tsam las/ shar nas sleb 'phral chos tshugs pa'i stabs nas nub re tsam gsol ja zhu ba la phyin dus rgyud gnyan po nyan pa la nub yan byar mi stub/ bsags sbyangs skabs 'dir shog gsung ba'i bka' bzhin de bar dgon par mtshams se byas snga phyi dpe 'dzin/ yig brgya/ maNDal sogs thun ma chag pa'i dge sbyor 'grus pa dang/ nyin gung kha