[A:56]'byung/ bir bsrung sgo gnyis/ rnam 'joms bir lugs/ dbang gong ma/ lam sbas bshad/ brda don gsal ba/ brda tshig brgyud/ sgrub pa lung sbyin/ mgon rkyang la thug gi bar dbang bka' byin rlabs cha lag de rnams kyang thad so de dang de kho nar phyag bzhes la yang zor mi mdzad pa mthong ba brgyud pa'i bka' srol ji lta ba bzhin rgyu skar 'char ba'i go rim ltar ma log par stsal/ de dang lhan du yig sna drug cus mtshon pa'i lung bsam gyis mi khyab pa tshogs chos su spyi 'gror 'dems pa de dag dang/ man ngag phra mo lhan du bsgrigs pa'i pod dmar ma/ mgon po'i ser po/ dmar po skor gsum gyi yig cha rnams kyi lung zur chos su gnang/ lugs gnyis ka'i mdzad pa rgyun mi 'chad kyis thugs lhag par g.yengs pa'i skabs der yang/ bdag la mas bu la brtse ba ltar/ rab gnas sbyin sreg/ sa cho ga sgrub mchod/ gtor sgrub/ bskang gso/ zung 'jug/ drug cu pa/ gdon grol/ bum gter sogs bla ma gong ma'i phyag bzhes yod do cog la mdzub krid vc: khridnan chag/ sha lpags rus gsum la thim 'gro ba lta bu'i mgo 'dren phu dur mdzad/ sde pa rnams la gnang ba'i phyag phyir rje nyid kyis dgongs pas spyad/ nga rang gis gsol ba 'debs ma dgongs par/ dge legs kyi dkyil 'khor gsum gyi dbang/ 'dod rgyal/ ku ru kulle/ tshogs bdag/ mgon po lcam dral lha brgyad rnams kyi rjes gnang thob/ der rgyud dang man ngag bar chad med par mthar phyin pa'i skabs/ chos kyi grol ston la rje yab sras kyis gtso mdzad/ sde pa sku ngo tha dad/ mi chen kun 'dus pa'i skabs der/ nga dang rab 'byams pa blo