[A:67]'bum TIka tshang ba'i lung/ de dang 'brel par shes rab kyi pha rol tu phyin pa'i man ngag bde ba'i 'byung gnas steng dga' ldan lha yul nas brgyud pa/ longs spyod kyi 'byung gnas 'og klu yul nas brgyud pa/ rig pa'i 'byung gnas shar phyogs bham ga la'i yul nas brgyud pa/ yon tan gyi 'byung gnas lho phyogs bhe ta'i yul nas brgyud pa/ byin rlabs kyi 'byung gnas nub phyogs o rgyan nas brgyud pa/ ngo mtshar gyi 'byung gnas byang phyogs bi shrA ko Ta tsan dan gyi gling nas brgyud pa'i bka' babs drug po'i snying po'i don thams cad kyi bcud bsdus nas ston pa'i don khrid yid ches ldan pa thob pa'i rjes/ rang gi dgon par dbyar gnas kyi gtso bo la sngar bzhin phyin/ snga phyi'i gtong chos sdom gsum/ sa paN nyid kyi rang mchan/ lho dmar gnyis kyis mchan sna srings pa'i steng du/ dmar dang/ sro lung kun smon gyi sa dpyad bcug/ 'dul ba seng ge'i phyogs snga'i ngos 'dzin gyi gzer btab/ phyogs bcu'i sangs rgyas la zhu phrin/ chag lo/ zhang lo/ glo bo lo tsA ba/ bka' gdams do skor ma/ bka' bsdams vc: gdamsnam mkha' 'bum/ rtogs ldan rgyan po/ rtogs ldan phru ma sogs/ chos rje sa paN dang/ chos rgyal 'phags pa la sdom gsum rab dbye ma brten nas dris pa'i dris lan ma lus pa phra tshoms bkod de/ sa paN nyid kyis mkhas pa 'jug pa'i sgor ji ltar gsungs pa ltar/
blo chen zab cing rgyal che ste//
blo dman go bde gzung sla ba//
de las zlog na mkhas rmongs kyis//
slob ma dga' ba bskyed mi nus//
zhes pa'i man ngag las 'byung ba ltar/ spyi bshad du tshad thub 'grel chen bzhir btags pa/