[A:68]lha btsun bsam yas pa/ spos khang pa rin chen rgyal mtshan/ kun mkhyen sga gdong pa chen po/ las chen gzhon nu seng ges mdzad pa bzhi dang/ byang pa dkon mchog grags kyis so thar byang sems kyi rgyas bshad/ bu ston rin po che'i sa 'bri'i shan 'byed/ yang dgon pa'i sdom gsum zhus lan so/ paN chen 'jigs med grags kyi sdom gsum sgo dbye/ sgra pa shes rab rin chen dang/ mi nyag chos grags dpal bzang gis TIkka rnams kyis mi 'dra ba'i khyad par so so rnams bshad pa'i rnam grangs su bkod/ paN chen chos rje'i dri ba brgya rtsa'i lan/ rje rwa ston pa/ bka' bcu pa dpal chen po/ nyi phug pa seng ge bzang po/ chos zom pa shes rab seng ge/ ri ti skyog chos dpal bzang po/ mi nyag chos grags dpal bzang/ snar thang bka' bzhi pa shes rab tshul khrims/ kun mkhyen bsod nams seng ge/ slob dpon yon tan 'byung gnas rnams kyi dris lan dgu pa dag dang/ dri ba mdzad pa po nyid kyi ser thur du lan 'debs gnang ba/ phan tshun nang sel phra mo nas shan 'byed pa'i dogs pa'i mtha' chod rgya cher 'grel ba'i chos thun shin tu ring ba srod tho rangs 'chag med du bshad cing/ tsha ba thon rjes rnam rgyal du sgrub thabs brgya rtsa zhu ba la bsnyags/ dgongs ja steng/ drung pa chos rje'i drung du rgyud gsum gyi lung zhus/ dbyar gnas grol mtshams dpal mgon byams pa'i gling du/ paN chen rin po che dang mjal bas phyag thal mo thugs kar sbyar/ pha la bu skyes 'dug/ sdom gsum 'chad pa po mang ste 'di 'dra 'chad mkhan med/ a la ma sa skya paN chen gyi bka' bsrungs yod na phrin las sgrub