[A:23]bstan rim rnams la zhugs te bslab pa'i gnas rjes su mnos pa/ thos pa'i rtsol bas sngar goms pa'i bag chags kyi mthu cung zad sad pa/ bsam pa las byung ba'i shes rab kyi sgo ngang gis bye ba/ rgyud ma lus pa'i rdo rje'i gnas dbang don lhan cig skyes pa'i ye shes nye bar bstsal nas/ de nyid snga phyir bar gsum du mnos pa'i khrid tshul brgya rtsa brgyad kyis sargar phye ste rang gzhan gyi re ba yid bzhin du bskong ba'i las snang gi 'char tshul sgro skur dang bral ba/ yun ring du 'grogs pa'i grogs dag dpang du gyur ba che long tsam zhig smos na/ sngon gyi dge ba'i bshes gnyen bka' gdams pa dag gi gsung sgros na/
snga ma gang byas rang gi lus la ltos//
phyi ma gar 'gro rang gi sems la dris//
zhes gsungs pa 'di glo ba la 'jen par byung bas/ don de nyid la bsams pa na/ da lta dngos su thob cing ma nyams pa'i dal 'byor 'khor lo bzhi ldan gyi rten khyad par can 'di'i rgyu dri ma med pa'i tshul khrims kyi brtul zhugs la nan tan du bgyid pa po de nyid kyi smon lam dag pa'i legs byas kyis bskrun te/ 'dir skye ba yongs su gzung ba'i yul ni mnga' ris smad kyi sa'i ljongs/ gnyag ston shAkya mu ne'i rigs brgyud 'dzin pa'i/ yab rje dgung lo lnga bcu rtsa brgyad/ yum nyi shu rtsa gnyis bzhes pa'i tshe lhums su zhugs par snang la/ skabs der ska rags nas byang sems rin po che spyan drangs/ rgyal ba tshe dpag tu med pa lha dgu'i dkyil 'khor du/ mas dbang bskur ba lan grangs dpag tu med pa mnos pa'i mthar/ nam zhig mngal 'dzin pa'i zla ba rdzogs nas/ rab byung zhes pa me mo yos kyi lo'i hor zla bcu pa'i tshes nyi shu lnga/