[A:24]gza' lhag pa/ skar ma me bzhi/ 'phrod kun dga'/ sbyor ba mdza' bo rnams 'jom pa la/ shag ma khang rnying pa de nyid du bde bar btsas ces gleng la/ dus der skyed mos tshal gyi ldum ra na me tog rgya men sum thog re re zhing yang kha dog mi gcig pa/ thog steng ma de'i ze'u 'bru'i dbus na 'dab ma ljang ser rgyangs kyis 'thon pa zhig 'khrungs pa/ gser khang gi rten rnams kyi drung du phul bas/ zla ba phyed tsam gyi bar du ma rnyings par thub pa de dus kyi skye bo kun la mngon sum du gyur/ de nas zla ba 'ga' zhig lon pa na/ rwa ston chos rje'i drung du ming zhu ba la phyin pas/ byis pa 'di sgrol ma 'bum ther btsugs pa'i rjes rang la skyes byung pas ming sgrol ma 'bum du thogs/ btsun pa'i bag chags bzang po 'dug pas chos sgor chug ces lung bstan gnang zhing/ snga phyir ma dang lhan du rgyal ba tshe dpag tu med pa lha dgu'i dkyil 'khor du dbang lan grangs du ma dang/ sgrol ma dkar mo/ rta mgrin lcags ral can/ phyag rdor u tsarya rnams kyi bka' lung thob zer/
de nas lo bzhi tsam gyi bar du byang sems rin po che bar chad kyis mi brdzi bar bya ba'i ched du bka' rjes gnang du ma gnang ba tho ro tsam dran/ khyad par drung pa chos rje pas thugs dam zab mo'i skyabs 'og tu g.yel ba med pa'i bka' drin bstsal zhing/ skabs su tshe dbang/ sgrol dkar gur mgon gyi bka' bsgo yang yang gnang/
lo bzhi tsam lon pa na/ phu phag dgon pa mjal du phyin pa'i lam/ byams gling gi mdun du sleb pa na/ a li a li yi na yi na zer zhing/ dgon pa'i grwa khang rnams mthong bas bag chags sad pa'i blo nyams mang po byung/