[A:80]tu blangs nas dpyil bur klog tshar gcig bsgrags/ dge 'dun rnams la thub pa dgongs gsal/ zhang mdo sde dpal gyi sgrung 'grel/ lho pa'i mdo 'grel gnyis thad sor sbyar ba'i lung tsam/ nyin gung thun rer ma chags pa bklags/ dgongs phyogs byams gling du nyin re bzhin phyin/ bde mchog nag po pa dang dril bu pa'i lus dkyil gyi dbang/ dril bu rim lnga'i byin rlabs khrid lung zhu ba la zla phyed tsam song/ de rjes khams 'dus te 'grol ba la dgongs/ nga'i bla ma paN chen bka' drin can des lU i pa'i dpal mngon par rtogs pa'i 'jug gi/
a li ka li mdun bsam nas//
rnal 'byor chen po ngal bso byad//
zhes pa nas/
bsam gyis mi khyab de bas na//
de la gzungs ni thob par 'gyur gyi bar rdzogs rim ston byed de rnams dang/ yab kyi rtsa dbu ma sbyar ba'i zab bshad mthil/ phug pa'i bka' drin la brten cung zad yid brtas pa'i bde nyams yod pa'ang byung/ bla ma paN chen la chos thos pa'i rjes ma yang 'di ka yin/ de nas yang nyin cig ska rag tu rang rkyang bus bye ma'i lung zhu ba la phyin pas/ byang sems chen po tsha ram pa dpon slob kha cig la gsang spyod mnal lam ma gnang ba'i maNDal 'bul tsam la sleb nas lhan du nyan/ bye ma'i lung zhus/ tshur lam o rgyan padmas byin gyis brlabs pa'i ma thang gi bye lung nas/ theg tsam gyi bye thums cig khur nas 'ongs pas/ tshom mi dang phrad/ de man zhag nyer gcig dbyar grol grol bye bsnyen byas cing gar yang ma phyin/ dgag dbye'i nyin rjes 'bod mi rkang gtad gnang byung bas/ de nub man zla ba gcig rnam rgyal du bsdad/