[A:89]pa bdun dang ldan pa'i dkyil 'khor sgrub mchod skabs thog mtha' gnyis su bar chad dang cho ga'i nyams chag kha bskang ba'i zhi ba'i sbyin sreg/ dkyil 'khor zhal 'byed la rgyas pa'i sbyin sreg rnams ma chad pa/ dge 'dun chas ston/ gzhon nu ma'i mchod pa sogs re re nas bgyi bar 'os pa'i cho ga ma nyams pa/ dkyil 'khor de nyid du lo grangs nyer lnga'i tshad kyi bdag 'jug blangs rjes sbrel nas snod ldan don gnyer lo grangs dang mnyam pa'i re ba rdzogs par bskang ba'i skabs der// dpal 'byor gyis kyang dus btab kyi stengs su btol byung/ de nas da lta'i bar la gcig kyang ma bral bar lhan du 'grogs/ dbang gi bya ba rnams legs par grub mtshams/ skyes mdun dgon par yab chos kyi rje'i drung du/ phyag gser srang gi me tog 'bul du rkang gtad phyin pas/ thugs lhag par dgyes pa'i bka' bstsal bslab bya dpag tu med pa gnang/ khyad par sngar sdom gsum la dbyar gnas ring bshad pa mthar phyin blo las 'das pa byung ba/ de ji lta ba bzhin cig na ning dbyar chos stengs rig gter ma byas na snyam pa'i yid ma khengs kyang/ da dung na tshod gzhon nu yin pas phyis kyang sems la zhog gsung ba la/ bdag gis bshad kyang chos nyan rnam pas 'bru gcig kyang mi go mchis pa nas/ sems la yang phan par 'dug snyam rgyal sras lam bzang tshang bar bgyis lags zhus pas/ de la lung ngan ma zhig las ma byas par dgongs byams gling du nyi ltar chags 'gro yi 'dug zer ba thos/ bos las kha ta 'jug snyam kyang/ drung pa chos rje pa de gshegs pa nas khyod sems so na mi 'dug pas ma