[A:93]rnams la tshig ris su shar ba'i de dang de thad kyi lung sbyor/ rgyud tshig gtsang sing ba/ rgya 'grel dang sbyar ba'i nges gsang phun sum tshogs pa/ 'gyur khyad sogs spu tsam gyi nang sel yang ma 'dres pa'i dran pa/ shel bum du chu blugs pa lta bu/ rgya gzhung rnams kyang bstan 'gyur tsam po'i nang de kho na la mur bsubs byas pa la ma yin pa/ sngon byon gyi mkhas pa chen po dag gis bka' tho mchan bu thebs pa'i yid ches ma kho na la nan tan byas/ tshig 'di thad na mchan 'di yod me long gi gzugs ltar gsal le ba 'di yin/ gangs can gyi mkhas grub gong ma'i gsung rgyun mtha' yas pa'i mngon dkyil rnams la yang bla ma las thob pa'i dpe nyid kyis tshig ris ma 'chugs pa'i srog rtsa cho gar byin mi 'dra ba'i khyad par mthong ngo cog bshad pa'i na yams su bkod pa'i dbang gcig ma yin pa kun la sbyar ba'i 'phrul/ gcig shes kun grol rgya mo'i thags kyi skyes so 'dra ba/ tha dad du gyes shing/ phan tshun ma 'khrug pa lce thog nas bshor ba'i gzigs gsal la phebs pa 'di nyid dang/ bla med nang gi byin rlabs brgyad cu rtsa dgu/ zur ka'i rjes gnang rnam par dag pa brgyar song nges tsam las dbang rdor phreng/ mi tra brgya rtsa/ sgrub thabs rgya mtsho/ brgya rtsa lta bu cho ga gcig 'gros kyis kun grangs nas yig steng nas bklags chog ma yin pa re re yang lo rgyus so so/ rgya gzhung bod gzhung mi 'dra ba'i khyad/ cho ga zhal phyag re re la'ang de 'di la dgongs kyi 'then sbyor 'phrag gnon thub pa/ bsgrub thabs so so'i mchod brjod nas mjug mdzad byang gi bar/ mig gis bltas/ yid kyis gzung/ gzhan la