[A:95]bzung ba'i dran 'debs/ cis kyang dgos med/ kha zhe ma 'dzol ba'i nges 'byung bla lhag bye 'phel de nyid la brten/ rmi lam gyi 'char sgo/ rang myong dang 'brel ba'i bag chags phal pa ma yin pa'i blo 'das kyi snang ba mkha' 'gro ma'i tshogs gral du ga Na tsakra'i pu dza'i dga' ba nyams su myong bas/ rnal 'byor ma'i zhabs dran pa'i rten 'brel rmad byung dang/ skabs 'gar nyin lam bzhi lngas bar chod pa'i sa/ rang gi slob ma rang 'byung rdo rje'i chos ston gyi tshogs mchod skabs/ der 'dus thams cad kyis gsal bar mthong ba'i sprul bsgyur gyi gsal snang khyad par can mngon sum gsal mthong/ dgon par lag pa gris phug pa'i rma chen po khrag rgyun mi zad pa yong ba/ de nub rang la mi dmigs par/ rmen pa'i rjes tsam yang mi snang ba/ lhan du gnas pa'i skye bo thams cad kyis mig shes kyi gcer mthong bsnyen med du gyur pa/ de skabs ni gu tshogs 'khor gyi dus gcig cho ga'i bya ba rnams grub/ dngos gzhi tshogs la longs spyod pa'i tshe/ shes pa 'ur langs pa'i lus sems kyi 'gyur ba chen po'i zil dang bcas/ mkhar sgong rdo tshad bre phyed tsam bza' bca' kun la gtor/ dpon slob kun gyis longs spyad pas so rtse ba sogs a 'thas kyi mtshan rtog ci yang med cing/ rjes pho ba na ba/ rdo'i rang tshan phyir byung ba sogs 'ga' yang med pa/ tshogs kyi 'du ba de na gnas pa'i bskal bzang dam tshig can dag gi rang rgyud la sgyu ma lta bu'i ting nge 'dzin 'phos pa'i yid ches dang lhan du/ sgrib med du rtogs shing/ yang de skabs nub cig lhag gtor phyir dor ba ma byung ba nang du bzhag pas/ mtshan phyed