[A:97]mi rang rgyud pas khyer yongs na 'di 'dra'i so ma ga la yong/ rong pa'i mi tsha mthong na lceb pa tsam byed kyang/ mdangs tshwa/ gos snam ci gnad kyang mig mi blta 'dug/ mi ma yin nged rang gi yul gyi lha jo bo cen pos drung pa rang la phul ba yin zer zhing/ de nas rang yul bar la rkang 'gros mgyogs pa'i nyin lam gsum yod pa/ bshad nas bang cen rkang btsugs mngags/ bla ma slob dpon/ dpon pa yab yum kun la sman skyes 'bul du btang/ de dus kyi sman lag na yod pa da lta yang shin tu mang/ der rong mi thams cad dad pa'i 'ur langs/ chos rje ni nged rang gi lhas kyang mchod pa yin zer snyed pa dpag tu med pa'i bkur bsti byung zhing/ slar log sne shang la bo che'i mdun du sleb tshams gangs chen po babs/ lam 'phrang dogs pas yar mar la log pa med cing/ sa de rang du bsdad na gangs rgyud kyi nyen chen po yod pas/ 'khor rnams yid khong du chud 'dug pas/ ngas 'di la de tsam gyi sdug bsngal mi dgos gzhi bdag gtor ma chos byas/ btang 'phral rang blo bur du gangs 'bab 'phro cha/ sprin thams cad rang sar dengs te skar ma bkra lam mer mthong byung bas/ khong rnams dga' tshor che cher 'dug cing/ de nas zhogs la byas/ khong rnams sngon la 'gro zhing yod pa'i rkang 'og nas/ pha bong chen po zhig 'gril te nged rang gi mgo'i thad rang la 'phar byung ba/ sgyu ma rmi lam gyi rtsis ma shor ba'i ngang nas/ a zhes sgra drag por lhang lhang smras pa/ mig thad kyi bar snang la a yig dkar po bris pa las gsal ba zhig 'od phyir phir 'dug/ pha bong de mgo'i steng la song dus rlung drang sir ba zhig byung/