[A:26]bskyed de byin pas/ 'brum bu shin tu 'thug pa phyir 'thon/ lus kyi phyi thams cad rnam dag tu song ba/ de dang gos 'byar nas gyon mi stub pa la/ mon dar gyi gzan bcos te sha la sbyar ba na yang/ skabs rer ma sangs na sha la 'byar yong ba tsam byung/ der mas lhag par brtse bas/ nyin mtshan med ma bral bar nad g.yog gnang/ dus phyis bsam pas nga'i a ma des/ de dus nad g.yog rkyen du 'byor ba byas pa gcig pu'i drin yang 'khor ba med/ nga gcig pu la brtse bar ma zad/ spyir yang a ma de'i dge blo dang/ rang bzhin bzang ngan/ gtong ba'i sgo gang la bsams kyang/ bud med phal las 'das pa rang gcig gi yid ches yang yang skye ba byung//
skabs der drung pa chos rjes yang yang du phebs pa na/ sems spro ba dang gus pa chen po skyes te/ ma las blangs pa dang/ thabs mkhas kyi 'du byas nas/ nyin re bzhin gsol ja zhu ba/ sku la 'dud pa/ tha na na bza' la gnas pa'i sa rdul phra mo sogs phyir gsol ba/ rgyang ring po nas bsu ba/ skyel ba sogs gzhan gyis slob pa la ma ltos par/ rang shar du byung ba'i kun tu spyod pa des thugs phrogs te/ byis pa khyod chung chung nas dad pa che zhing/ chos kyi rigs sad pa/ shes rab dang ldan pa cig 'dug ces bsngags pa yang yang gnang zhing/ nged la ja mang po rang byin pa'i sbyin bdag yin gsung ba sogs dgyes pa'i rnam 'gyur mang po mdzad/ dus der yab yum gyi pho brang de nyid du klog sogs bslab sbyangs kyi gnas phra mo tshegs med du shes/
lo drug pa la sde pa sku mched drung du lo gsar la mjal du phyin pas/ 'phral shes kyi tshig rnams