[A:27]bzhugs gral gyi dbus su gtsang sing ba/ spobs pa zhum pa med par gzengs mtho zhing brjod pa dag par bton pas/ dpon po rgan po'i bu 'di ngo mtshar che gsung gzengs bstod dang bcas pa'i gnang sbyin bsam gyis mi khyab pa stsal/
de nas lo bdun lon pa na/ drung pa chos rje pa'i drung du bcom ldan 'das gshin rje gshed dmar po lha lnga'i rdul tshon gyi dkyil 'khor du bcug nas/ rigs brtag pa'i me tog gtso bos bzhes pa'i dbang las/ gsang mtshan dpal zhe sdang rnam par dag pa'i rdo rje zhes gdags par mdzad de/ skye ba 'di la sngags kyi dkyil 'khor du zhugs shing/ dbang nod pa'i thog ma yang 'di yin no//
de lo dgon pa'i dge 'dun rnams la zhen pa bzhi bral gyi khrid gnang ba'i khrid rar zhugs te zla chos cig dmigs khrid zhib par nyan pas/ chos kyi rkang zhen pas ma bcings pa'i chags med du 'dug snyam pa/ cis kyang dgos med kyi blo rtsa bral/ gang la'ang snying po mi 'dug snyam pa'i yid ches/ zer sgra la ma ltos pa nang nas go ba byung ste/ phyis khrid gang zhus kyang chags med kyi nges 'byung de dus 'dra ba'i rngo thogs pa gtan ma byung zhing/ brgyud pa'i phyag bzhes kyi srol mi 'dug pa ma gtogs dri med rig pa'i rang 'tshang grung pa de dus nas gcer mthong du byung 'dug ste/ yun ring po'i bar du ngo shes pa dang nges shes skyes pa ni ma byung mod/ phyis ngo sprod mdzub btsugs su mdzad pa dag gi bsnyems med du ston par mdzad nas/ sngar gyi de nyid las gsal bzhag gi blang dor spu rtse tsam yang mi 'dug ste/ zhen pa bzhi bral 'di khri thob pa thams cad kyi thog ma yin no//
'di'i rtsa