[A:109]nyid la bka' drug tshang ba'i yid ches ngo sprod/ dmigs chen dmigs phran so sor phye nas/ rtsa ba'i dmigs chen bcu bdun dril te lag bcangs su gtod pa'i gsang lam nyer bsdu'i bar lung gis rgyan pa/ tshe dbang 'jam dpal nA ga raksha'i rjes gnang/ g.ya' tshan gangs tshan gyi bcud len zur chos su zhus/ gdan thog gcig tu 'dod dgu'i gdams pa lhug par thob pas sems lhag par tshim zhing bka' drin gyi yon rin po che'i maNDal/ rten khebs bzang bsgrigs gser ma/ dbang bka' so so la dar/ gu gul la sogs pa'i sman gang rung re phul zhing/ sgyu lus nad kyis rtses pas nyam chung bar yod kyang/ bla lhag gi dad pas bskul/ mi nus bzhin du phyags ltabs pa sogs bla ma dngos la bsten tshul snying non par bgyis/ ni gu'i khrid brgya rtsa brgyad 'chad pa'i dam bca' phul bas/ rgya sgom chen po'i zhal nas brgya rtsa brgyad kyi mthar dngos grub gyi pha phogs chen po 'byung zhes pa'i lung bstan gnang/ zhabs spyi bor blangs pa'i gdung shugs kyi ngang nas yong pas/ 'phral bla ma dang bral ba'i skyo shas dang/ phugs lus zungs ngan pa'i stabs nas dran pa med pa lta bus/ yar blta ba sogs kyi spros pa ma byung bas/ rgya bsgom chen po'i gsung nga ro chen pos bos nas/ chos rje pa nged la mi gzigs sam gsung/ bltas pas dbu dom gyis g.yob pa mdzad kyi 'dug na'ang/ g.yab lan sogs kyi spros pa ma byung bas/ de'i rten 'brel gyis bla ma bka' drin can de'i zhal phyis nas mthong ba'i skal ba ma byung/ lus gshed lhag par ngan par yod kyang/ sngar gyi yi dam la brten/ rim gyis