[A:113]med shar ba la/ stod g.yogs dkar po gyon 'phur ba rmi ba 'di bsam pa dge ba'i lhag bsam gyis sgrib pa zad pa'i ltas yin snyam/ dpag bsam gyi sdong po rgyud 'grel las gzhan gyis 'dzol mi 'dug kyang/ de'i 'bras bus rnyed pa 'di da lan man ngag theb pa'i rten 'brel rmad byung du yid ches te/ dbang rgyud gnyis ji ltar thob da res mi shes par 'dug/ 'on kyang kha sarpa Na'i sku'i phyag gi 'o rgyun 'thung shing tshims pas bla ma khong pa'i byin rlabs don gyis 'pho ba khyad par can nges par bdag rang gi rgyud la 'jug par 'dug/ gzims dpyil gyi 'char sgo lha khang ngam/ mchod rten zhig yong thang ba la/ spangs stong de ci'i ltas yin nam snyam snyam pa'i yid dpyod lhug par skyes/ de nas rgyal sras rin po che dngul chu chos rdzong pa nyid kyi gzim mal sku 'dra'i drung/ spos mar me/ lha bshos snyan dar dang bcas pa'i bkur bsti/ phyag skor ba dpag tu med pa byas/ sngar jo bo rin po ches chos 'khor lha sar lung bstan pa'i yid ches kyi mtha' thug tu gzung/ 'dod chos zhu ba la rkang gtad 'ongs pa'i mdangs nub kyi rmi lam lung bstan dang gtan 'dzol med pa'i yid der skyes pa 'di ji bzhin du 'grub par mdzad du gsol snyam pa'i smon lam brgya rtsa yid brtse gcig pas bsgrubs nas phyin pas/ rim gyis rtsigs chung legs mo'i mgron khang du sleb pa'i nub/ rmi lam du sngar mthong thos kyi bag chags gtan med pa'i skyed tshal/ nags lhag par 'thug pa zhig gi dbus na ne'u sing dang bcas pa'i chu mig bzang po cig 'dug/ skom pa'i bgags kyis bskyod/ chu 'thung ba'i mdun pa skyes pa'i skabs der/ bu mo