P208: mus srad pa rdo rje rgyal mtshan/

Names order acc. to frequency
Full:
Title:
Descriptive:
Names
  • gtsang pa byams pa rdo rje rgyal mtshan/
  • mtshungs med rdo rje rgyal mtshan/ ming mdzod [1992] (p. 1403)
Dates
General

- lam 'bras bla brgyud/ (rdzong lugs/) position no. 22

Biographical data
Biography

rje btsun mus srad pa chen po rdo rje rgyal mtshan ni/ 'jam mgon a myes zhabs (1597-1659) kyis/ [1]

'dzam bu'i gling 'dir thub dbang zas gtsang sras/ /slar yang byon pa lta bu'i 'gro ba'i mgon/ /
sa skya'i bla chen yab sras khu dbon bcas/ /bka' drin dran pas slar yang lan brgyar 'dud/ /
gang gi bstan 'dzin mkha' la nyi zla ltar/ /'dzin ma'i khyon 'dir ngor rdzong rnam gnyis zhes/ /
snyan grags skye bo kun gyi khar rgyu ba'i/ /'gran bral skyes bu'i mchog rnams bsngags par 'os/ /

zhes bsngags pa'i dpal sa skya pa'i bstan 'dzin gyi khyu mchog ngor rdzong gnyis su grags pa'i ya gyal dpal ldan rdzong pa'i bstan 'dzin gyi skyes bu zhig yin la/ lung rigs la mi 'jigs pa'i spobs pa dang ldan pas lta grub dang / lo rgyus smra ba [2] la bsgrun du med pa'i mkhas grub chen po zhig kyang yin/ de yang mkhas grub chen po sgyi chu ba buddha shrI yi zhal snga nas/

mdo rgyud man ngag bstan bcos kun gyi don//
ji bzhin rtogs nas gzhan dring mi 'jog pa'i//
'khrul med smra ba'i dbang po mus srad pa//
las skal bsags rgyab can gyi gtsug tu mchod//

ces [3] dang / 'jam mgon a mes zhabs ngor rdzong rnam bshad las/ g.yo dmar gtsang gsum sogs dge ba'i bshes gnyen gyi rigs su 'khrungs pa dang / sa lam gyi yon tan phal cher bgrod de nub phyogs u rgyan gyi yul nas gangs can ljongs su skyes ba bzhes pa/ rdo rje theg pa la mkhas pa'i mchog tu gyur pa/ khyad par rje btsun sa skya pa yab sras khu dbon rnams kyi gsung rab tshig don ma lus pa thugs su chud nas 'gal med du rtogs shing 'khrul med du smra ba'i spobs pa can/ rnal 'byor gyi dbang phyug gtsang byams pa rdo rje rgyal mtshan zhes yongs su grags pa de nyid/ ces [4] yang yang bsngags pa'i skyes bu 'di ni/ shing pho 'brug phyi lo 1424 lor chag skyar skya'i phu'i 'brog gseb tu sku 'khrungs shing / mtshan gzhan la/ rtsangs byams pa rdo rje rgyal mtshan/ rdzong chung ba byams pa rdo rje rgyal mtshan zhes pa sogs mtshan mang / [5] rje 'di sku na chung dus nas mnga' ris gung thang du spyan drangs shing / dgung lo brgyad la glang 'khor ba manydzu shri las rab tu byung / dgung lo dgu pa la/ sha ra ba'i dngos slob kun smon mdzes pa'i dpal gyis btab pa'i dgon pa mus srad kyi gdan khrir phebs/ chos rje yon tan bzang po dang / bla chen chos dpal bzang po (1431-1499) sogs las sa skya pa'i gsung rab dri ma med pa thugs la smin par mdzad/ dgung lo bco brgyad pa/ lcags mo bya/ phyi lo 1442 lor/ ngam rings kyi chos grwar rdo rje 'chang A nan ta ma ti (1372-1454) dang / mnyam med dpal ldan chos skyong / (1350-1392) rin chen chos sde legs pa sogs kyi zhabs la bsten te/ gur saM sbyong rgyud/ lam 'bras sogs gsan/ sems dpa' chen po gzhon nu rgyal mchog las bsnyen par rdzogs/ dgung lo zhe dgu par dpal ldan sa skyar byon/ thog mar sa skya sman grong du/ zhi khro sogs rnying ma'i chos 'khor mang du bskor/ grang mo che pa'i brgya dpon chos rje kun bsam pas/ bla ma mnyam med pa dang / chos rje gzungs dpal (1306-1389)nas brgyud pa'i chos rgyud dri ma med pa bzhugs par dgongs nas bla brang che mor spyan drangs par brten dgung lo lnga bcu pa nas zhi bar gshegs kyi bar gdan sa chen po dpal ldan sa skyar zab don nyams bzhes dang / 'chad rtsod rtsom gsum gyis bstan pa rin po che gsal bar mdzad pas/ mdo rgyud man ngag spyi dang khyad par dpal ldan sa skya pa'i bka' 'bab rnam bzhi'i gdams pa skyong ba'i 'gran bral rjes 'brangs mkhas grub rnam bzhi'i [6] ya gyal du gyur pa dang / rje 'di nas brgyud pa'i dbang lung man ngag kyi brgyud pa'i zab khyad ni/ tshar chen rdo rje 'chang blo gsal rgya mtshos/ e waM pa ni bsdus la spros pa chung / /mus srad pa ni dkar chag khrigs chags can/ /rdo rje gdan pa 'cham dang nus pa'i bdag /
kho bos thob pa'i thun mong brgyud pa gsum/ [7] zhes gsungs pas gsal por rtogs thub la/ lhag par du rje 'di'i chos rgyun da lta'ang rgyun ma chad par dpal ldan sa skya'i chos rgyun grags che ba bzhi'i ya gyal du bzhugs pa ni/ skyabs mgon gong ma khri chen rin po che'i gsan yig rin chen nor bu'i phreng ba las/ [8] ji skad du/ de dag las 'ongs so so'i ngos 'dzin ni/ /ngor lugs yi ge e yi rtags kyis mtshan/ /rdo rje gdan pa las byung rdo rje'i rgya/ /mus srad pa ni yi ge mu yis rgya/ /bdag chen rdo rje 'chang dbang las brgyud pa'i/ rtsa ba'i yi ge mchod rten rgya yis mdzes/ /thor bu gzhan dag mchan bu btab pas shes/ /zhes gsungs pa ltar/ ngor chen rdo rje 'chang gi lugs dang / kun mkhyen rdo rje gdan pa'i lugs/ rje btsun mus srad pa'i lugs/ bdag chen rdo rje 'chang gi lugs/ zhes bka' babs che ba bzhi'i ya gyal du bzhugs su gsol ba la sogs dpal sa skya'i bstan pa rin po cher bka' drin che ba la brten nas/ rdzong chen kun dga' rnam rgyal gyis rje 'di nyid dpal ldan sa skya'i bstan 'dzin du mnga' gsol ba'i zhu yig zhig kyang 'bul [9] gnang mdzad/ de lta bu'i skyes bu chen po 'di nyid kyi gsung las skyes pa'i slob ma yang / bdag chen rgya gar ba shes rab rgyal mtshan/ bdag chen bsod nams rgyal mtshan/ mus chen rnam rgyal bzang po/ chos rje blo gros rgyal mtshan/ jo nang pa chos skyong / bo dong bka' bcu pa chos rin la sogs pa mang du bskyangs shing / mthaRa dgung grangs don lnga pa/ phyi lo 1498 lor dpal ldan sa skya'i grang mo che de nyid du sku gshegs so/ /
gsung rtsom ni/ rje 'dis lta grub kyi gzhung dang / chos 'byung / rnam thar/ bstan rtsis sogs gsung rtsom mang po mdzad pa las/ lta grub 'brel ba'i gsung rtsom gyi rim pa phal che ba bzhi tshan du bsgrigs te ljags rtsom mdzad pa ni/ rnam bshad chu rgyun log par rtog pa'i dri ma 'khrud byed/ rnam par bshad pa chu rgyun gnyis pa/ rnam par bshad pa chu rgyun bzhi pa sogs chu rgyun rnam bzhi dang / gsal byed bzhi ni/ rgyud gsal byed/ man ngag gsal byed/ lag len gsal byed/ spyi 'gros gsal byed bcas gsal byed rnam bzhi/ sgrub pa bzhi ni/ bla ma 'phags pa sgrub pa/ bla ma dam pa sgrub pa/ phyag len sgrub pa/ bka' sgrub pa ste sgrub pa rnam bzhi/ bir srungs 'khrul sel sogs 'khrul sel rnam bzhi/ de bzhin lam 'bras skor lhag ma dang bcas pa'i tho yig man ngag gsal byed las rnam 'brel bcu gcig gi ngos 'dzin/ gnyag ma'i rtsod spong / dag ldan rtsod spong / lam 'bras kyi chos sna drug bcu'i rkang grangs/ glegs bam phra mo/ rdzong lugs mgon pod dkar chag gzhung shing phyi ma gsum gyi dmigs thun bcor lugs kyi dris lan/ sogs mdzad cing rje 'di'i gsung rtsom skor la 'jam mgon a myes zhabs kyis/ de'ang gtsang byams pa rdo rje rgyal mtshan gyis chu rgyun rnam pa bzhi dang / sgrub pa bzhi la sogs pa gsung rab kyi tshogs mang po zhig mdzad pa las rnam par bshad pa'i chu rgyun dang po ni/ bo dong paN chen sogs gzhan lugs kyi mkhas pa 'ga' zhig gis rje btsun gong ma'i gsung la brgal brtag kyi rnam grangs mang po zhig gsungs pa dag lung rigs kyi sgo nas sun phyung ste chos dang mthun pa'i lan med par mdzad cing / gong ma'i dgongs don phyin ci ma log par sgrub pa'i legs bshad kyi dga' ston snang / zhes [10] sogs kyis bsngags pa'i gsung rab khyad du 'phags shing 'gran zla bral ba'i lta grub ston pa'i gsung tshad ldan du snang ba dang / lo rgyus kyi cha nas bshad na'ang / ches grags che ba'i mus srad pa'i dus gsal dang / gdung rabs rin chen 'phreng ba/ lam 'bras bla ma brgyud pa'i rnam thar ngo mtshar snang ba'i kha skong dang / bla ris bla chen chos dpal bzang po'i rnam thar/ sogs gsung rtsom du ma zhig mdzad pa rnams bod kyi lo rgyus rig gnas bang mdzod kyi gces nor du gyur yod mod mang po zhig ni bod du btsan 'dzul ba'i rig gsar gyi skabs rmeg med du thim zin la/ mi nyung ba zhig rnyed son byung na'ang da dung 'tshol bsdu bya mus yin pas bod kyi rig gnas la dung ba zab pa'i mkhyen ldan pa rnams la rje btsun mkhas pa'i dbang po mus srad pa chen po'i gsung rtsom dang yig cha'i rigs mkhyen rtogs gang byung yang kho bo cag la brgyud sprod gnang rogs zhes gsol 'debs zhu ba lags so/ /

mus srad pa'i gdung rabs skor [2018] las btus/ gong dkar dga' bas/
[version: 2019-02-01]

mchan rnams/

[1] dpal ldan sa skya pa'i bstan 'dzin ngor rdzong rnam gnyis gsung ngag rin po che'i phyag len gyi rim pa 'ga' zhig las brtsamasas te so so'i bzhed srol rnams legs par bshad pa lugs gnyis zab don gsal ba'i nyin byed/ shog grangs 156 deb gzugs/ pod sha 28 a myes zhabs kyi gsung 'bum/ si khron bod yig dpe rnying myur skyob 'tshol sgrig khang nas bsgrigs/
[2] rje 'di de byung rig pa'am lo rgyus la shin tu mkhas pa yin pa'i dan rtags su/ mang thos kyi bstan rtsis gsal ba'i nyin byed kyi mig tu grags pa'i (mus srad pa'i dus gsal gyi rtsa 'grel/) dang / lam 'bras bla brgyud kyi rnam thar (ngo mtshar snang ba'i kha skong /) sogs kyi rtsom rtsal la gzigs na gsal por rtogs thub/
[3] bstod pa 'di ni/ mkhas grub chen po sgyi chu ba buddha shrIs/ yang lan nor bu'i phreng ba'i mchod brjod du mdzad pa las drangs pa'o//
[4] 'jam mgon a mes zhabs kyi ngor rdzong rnam bshad/ a myes zhabs kyi gsung 'bum/ pod so bzhi pa/ shog grangs 126 si khron bod yig dpe rnying myur skyob 'tshol sgrig khang nas bsgrigs/
[5] rje 'di'i mtshan gzhan ni/ mtshungs med rdo rje rgyal mtshan/ brang (grang) mo che pa zhes sogs so//
[6] bka' 'bab rnam bzhi'i rjes 'brangs mkhas grub rnam bzhi ni/ bka' 'bab bzhi'i gdams pa rjes 'brang gi mkhas grub ngor pa dang / rdzong pa dang / gong dkar ba las brgyud pa dang / kha'u brag rdzong pa las brgyud pa'i lugs rnams/ zhes shog grangs 58 skyabs mgon gong ma khri chen rdo rje 'chang gi gsan yig glebs bam gnyis par gsal cing / spyir rdzong pa la slob brgyud shin tu mang na'ang / skabs 'di'i rdzong pa ni sngags 'chang gzungs kyi dpal ba las rje btsun mus srad pa chen po 'di nyid brgyud pa la bzhed pas zhib par gzigs 'dod na gsan yig tu gzigs/
[7] tshar chen rdo rje 'chang chen po blo gsal rgya mtsho'i gsung / shog grangs 59 skyabs mgon gong ma khri chen rdo rje 'chang gi gsan yig glebs bam gnyis par gsal/
[8] skyabs mgon gong ma khri chen rin po che'i gsan yig rin chen nor bu'i phreng ba/ shog grangs 157 deb gzugs/ 2017 lor dbus smon lam rgyun las khang nas spar ba/
[9] chod rje mus srad pa rdo rje rgyal mtshan pa la sa skya'i bstan 'dzin du mnga' gsol ba'i zhu yig ces/ chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ shog grangs 163 na gsal/ deb gzugs/ 2001 lor/ bod gong dkar chos sde nas spar du bskrun par gsal la/ rje 'di'i gsung phal che ba rnyed na'ang zhu yig de da phan ma rnyed pas ma mjal/
[10] a mes zhabs ngor rdzong rnam bshad/ shog grangs 3 deb gzugs/ pod 28 a myes zhabs gsung 'bum/