R753: 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung / {bod yig glog rdul dpe cha/}

  • Pagination (Witness A): 153b
[A:153b]mthu stobs dbang phyug bsod nams rgyal mtshan 'khrungs/ /'jam dbyangs nam rgyal btsun mo khro mda' ma/ /ma gcig dpal 'byung rgyal mo zhes bya'i sras/ /rgya dkar shes rgyal blo gros rgyal mtshan gnyis/ /mthu stobs dbang phyug btsun mo ldan yul ma/ /kun dga' 'bum sras grags pa rgyal mtshan te/ /de rnams rin chen sgang pa'i zhal ngo 'o/ /zhes so/ /gnyis pa de'i don rgyas par bshad pa ni/ mkhas pa'i dbang po gtsang byams pa rdo rje rgyal mtshan gyis mdzad pa'i gdung rabs las/ bdag nyid chen pos rgyal po'i lung gis phud pa'i btsun mo drug bzhes pa'i nang nas/ dbang bsod nams bzang po'i yum dpon mo mu da gan bya ba bdag nyid chen po'i btsun mo dang po dang / ti shrI kun blo'i yum mang mkhar sog spe ma gnyis pa/ gzhi thog mkhas btsun pa sku mched kyi yum glang mtsho'i na spe ma nam mkha' rgyal mor grags pa gsum pa/ /ti shrI kun dga' legs 'byung ba sku mched kyi yum kun dga' nam mkha'i rgyal mtshan zhes bya ba btsun mo bzhi pa/ bdag nyid chen po'i sras kun dga' legs pa lcam sring gi yum re 'da' ma lha gcig nyi ma rin chen zhes bya ba lnga pa dang / 'jam dbyangs don yod rgyal mtshan sku mched kyi yum zha lu ma ma gcig gzhon nu 'bum bya ba btsun mo drug par mdzad nas/ bla brang so so'i gdung brgyud byon tshul gyi go rim yang gzhi thog pa'i rjes su lha khang bla brang pa/ de nas dus mchod pa/ de nas rin chen sgang bla brang pa'i gdung rabs byon pa'i tshul bshad kyang / btsun mo rnams go rim de nyid yin pas bla brang so so'i gdung rabs