[B:55b]las 'bras dang / sa lam gyi rnam par bzhag pa la yid ches shing spro ba 'phel te brtson 'grus bskyed pa'i phyir/ 'di dag gi gnas skabs thams cad du ngo mtshar ba'i rnam pa dpag tu med pa ni/ nyin mo'i gnas skabs su 'ja' kha dog lnga pa'i 'od ris kyis nyi ma'i dkyil 'khor la rim pa gsum pa dang lnga pa dag gis bskor zhing / phyogs su yang thad kar brkyang ba dang / gzhan yang kha dog sna tshogs pa'i sprin
phung gdugs dang
rgyal mtshan la sogs pa mchod pa'i rnam pa can du mas phyogs kun tu khyab pas nyin mo'i dus 'da' ba dang / mtshan mo'i dus su yang 'ja' kha dog dkar po dang / ser po'i bkod ris khang brtsegs dang / rin chen spungs pa la [A:185]sogs pa'i rnam pa du mas gtsug lag khang 'di nyid la 'dud cing mngon par phyogs par mig ldan kun gyi spyod yul du gyur to/ / rgyal chen bzhi'i rigs nas 'og min gyi bar bstan pa la mngon par dad pa'i rnams kyis ni/ me tog gi char chen po gnas 'di nyid du rgyun tu phab ste/ phal cher ni kha dog dkar po bar snang khams mtho ba nas phub kyi khyon tsam dang / cha lang gi 'khor mo tsam dang / de bas kyang bags kyi gzhon pa sogs sil bur 'bab pa rnams kha dog dkar po dang / ser po dang / mthing kha dang / ljang ser dang / me tog gcig la'ang kha dog lnga ka tshang ba dang / gzugs kyi rnam pa sna tshogs pa ze'u 'bru yod pa dang med pa sogs kha char bzhin du bab ste phal cher ni mi ring bar yal zhing / la lar chags pa dag skye bo kun gyis snyim pa bkang ste ngo mtshar ba'i gtam dag gleng bar byed do/ /
'dir smras pa/
de ltar thub bstan nyi ma 'jig rten mig /
glo bur zhi ba'i nub ris bsgribs pa na/ /
brtan g.yo'i 'jig rten rgyu dang mi rgyur bcas/ /
mya ngan mun pa stug po'i khang bur bcug /
de tshe nam mkha'i drang srong sngo sangs kyis/ /
rnam [A:186]bkra'i 'ja' tshon gos bzang sna tshogs gyon/ /
de la phrag dog bzhin du nor ldan ma/ /
mar me'i 'od tshogs 'dus pa'i gos dkar 'dzin/ /
lha rdzas tsan dan dri yi phyogs kun yang / /
ma la