R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}
[B:27b]'byor bzang po'i drung du/ shangs pa'i zab chos rnams cha lag dang bcas pa la/ dang po ni gu chos drug la yang / thog mar smin byed dbang la khog 'bubs kyi bka' gnyis dang / gzhung shing gi bka' bdun las/ dang po la rgyud sde lnga'i dbang dang / bde mchog gi dbang bzhi lus la bskur ba gnyis kyi dbang bzhi rdzogs pa/ gzhung shing gi bka' bdun la/ spyi'i bka' sgyu lus kyi dbang mo che dang / sgos kyi bka' thabs lam/ sgyu lus/ rmi lam/ 'od gsal/ 'pho ba/ bar do rnams kyi bka' so sor gsan zhing / so so'i grol lam rnams nyams myong thugs rgyud la skyes skyes su nyams khrid du gsan nas/ de dag gi yig cha'i rim pa la/ ni gu ma'i rnam thar mgo na yod pa'i brgyud pa rin chen sna bdun sogs chos tshan brgya dang nyi shu rtsa dgu rnams legs par gsan no/ /Main Teachers and Training
de dag ni bsten yun ring zhing mkhas par sbyangs pas bka' drin che ba rnams yin zhing / dbang rjes gnang / lung man ngag tsam gsan pa ni/ snye thang chos rje blo gros brtan pa bzhi pa/ ar dge [A:84]mkhan chen sgrib pa nag po/ snye mdo ba chos rje shAkya dpal ba rnams so//gzhan yang bka' lung rnam dag tu 'dug na/ rang nyid mkhas pa dang che ba'i nga rgyal mi mdzad par/ gang zag la mi rton chos la rton pa'i rnam thar phyag bzhes su btab ste/ skye bo tha mal ba'i tshul la yang gus pa dang bcas te gsan no/ /de ltar gong du smos pa'i bka' drin mnyam med brag thog chos rje nas snye mdo ba sngags 'chang shAkya dpal ba'i bar gyi skyes chen dam pa/ mkhyen brtse nus mthu 'phrin las la sogs pa bsngags par 'os pa'i yon tan gyi phung po bsam gyis mi khyab cing gzhal du med pa nyi shu rtsa bzhi po de rnams/ dad pa dang 'dod pa dang yid ches pa la sogs pa'i thugs kyi dad pas yongs su 'dzin pa dang bla mar bkur zhing bsten la bdag gir mdzad de/ sa gzhi dang 'bru dang bzhon pa dang / gos dang / rin po che la sogs pa'i rnyed pas/ phyag dang / ldang ba dang / stan