[B:28a]stob pa dang / brjed pa dang / bsnyun rmed pa la sogs pa'i bkur bsti/ khrus dang sku mnye dang dril phyis dang / spos bdug pa dang / bsnyun gyi gsos sman la sogs pa'i rim gro ste/
[A:85]mdor na mnyes pa gsum gyi mchod pa'i sprin rab 'byams spro bas sku gsung thugs kyi dkyil 'khor mchog tu mnyes par mdzad nas/ sngags dang pha rol tu phyin pas bsdus pa'i bde bar gshegs pa'i gsung rab bka' dri ma med pa gangs ri'i khrod du 'gyur ro 'tshal dang / de dag gi dgongs pa 'grel ba'i bstan bcos rgya bod kyi shing rta chen po rnams kyis mdzad pa grangs med pa dang de dag la brten pa'i dbang bskur ba dang rjes su gnang ba dang / lung nod pa dang tshig gi don rgya cher bshad pa/ gdams pa dang / rjes su bstan pa dang man ngag gi gnad gsang la nyams khrid du mdzad pa sogs/ mtha' yas pa mtha' yas pa'i chos kyi 'khor lo zab cing rgya che ba'i ris su ma chad pa legs par gsan zhing / skye bas thob pa'i mkhyen rab yangs pa dang zab pa dang rno ba la sbyor ba las byung ba'i brtson 'grus drag pa dang / rgyun chags pa dang phyir mi ldog pas brgyan te/ thos pa dang bsam pa dang sgom pa'i 'khor los nyin mtshan gyi dus 'da' bar mdzad pas/ rgyud sde bzhi dang sde snod gsum gyis bsdus pa'i lung rig pa dang [A:86]man ngag la sogs pa/ rgyal ba bu ram shing pa'i ring lugs mtha' dag gi drang ba dang nges pa'i don gyi dgongs pa dang gsang ba rtogs par dka' ba'i gnad ma lus shing lus pa med par mkhas shing 'dris la rang dbang du gyur cing / bzo dang gso ba dang sgra dang tshad ma dang snyan dngags dang sdeb sbyor dang mngon brjod dang skar rtsis la sogs pa shes bya rig pa'i gnas rab 'byams la mkhyen rab kyi snang ba phyogs med du rgyas te/
dri ma med pa'i gsung rab 'chad pa dang / rang gzhan gyi grub pa'i mtha' rtsod pa dang / dgongs 'grel gyi bstan bcos