[B:39a]kyi gzi 'od dang bcas pa rnams la go ling khyad par can gyi na bza'i brtsegs du ma dang / rgya'i rdo rje dril bu sogs mchod cha tshang ma re dang bcas pa/ gzhan yang rin po che gser zangs las grub pa'i bla ma de dag gi sku tshad cung gzhon pa tshar gcig khri na bza' dang bcas te bzhugs [A:124]pa'o/ / ri mor bkod pa la/ shar gyi ngos la dpal brtag pa gnyis pa'i rgyud dang / gsang ba 'dus pa 'jam pa'i rdo rje dang mi bskyod rdo rje/ tshe dpag med lha dgu ma gsum gyi dbang gi bla ma brgyud pa/ byang gi ngos la dpal dus kyi 'khor lo'i chos ston pa po shAkya'i rgyal po dang byang shambha lar byon pa'i sprul pa'i chos rgyal rigs ldan sum cu rtsa gsum dang bcas pa'i bla ma brgyud pa dang / rnal 'byor rgyud kyi dbang brgyud/ gzhan yang gsung gi bdud rtsi bzhes pa'i bla ma phal che ba/ rgyal po chen po sde bzhi/ dzambha la ser nag dang bcas pa rnams/ lho'i ngos la dpal 'khor lo bde mchog dang / gshin rje gshed dmar po/ rdo rje 'jigs byed/ rdo rje phur pa rnams kyi dbang gi bla ma brgyud pa'i rim pa/ nub ngos kyi g.yas g.yon la bstan srung rnams kyi gtso bor gyur pa'i dpal rdo rje nag po chen po gur gyi mgon po dang / mthu rtsal rmad du byung ba'i gnyan gyi mgon po zhal bzhi pa gnyis kyi rjes gnang gi bla ma brgyud pa'i rim pa/ sgo mangs kyi gong la gur mgon gyi brgyud rim las 'phags pa rin po che phyin chad kyi pu tra lcam sring gi khyad par gyi rjes gnang gi bla ma'i [A:125]brgyud rim rnams so/ / bla ma rab 'byams rgya mtsho'i dbus su slad nas 'og tu bkod pa ltar/ yid bzhin nor bu'i gdung khang rin po che bzhugs su gsol te/ de lta bu'i bla na med pa'i chos kyi pho
brang na/ lha dang mi la sogs kyi mchod pa'i yo byad gzhal du med pa nam mkha' mdzod la dbang 'byor pa lta bus dus yun du mchod pa dang bcas pa'o/ / dbus kyi ka rings bzhis phug pa'i steng na gan ji ra dzambu chu bo'i gser 'od phyogs kun tu 'phro ba ches mtho bas mdzes par byas pa'o/ /
glo 'bur byang ma mgon khang chen mo ka chen bzhis phub pa'i gung na/ rdo rje 'chang gi spyan sngar bstan pa srung bar dam bcas pa'i bstan srung kun gyi gtso bo/ rdo rje nag po chen po gur gyi mgon po srin po khros pa'i cha lugs cher 'bar ba 'jigs shing 'jigs par