[B:39b]mdzad pa'i nyams can/ de las sprul pa'i g.yas na bya nag 'phur zhing lding ba/ g.yon na khyi nag khang zhing za ba/ rgyab na lcags spyang 'dur zhing rgyug pa/ mdun na mi nag gnam du 'o dod 'bod pa/ steng na mkha' lding sngon po lding zhing 'khor ba ste/ pho nya lnga sprul dang bcas ye shes kyi me dpung [A:126]'bar ba'i klong na bzhugs pa dang / de'i g.yas phyogs kyi rtsig pa'i khang bu na/ bdag nyid chen po sa skya paNDi ta'i shangs mtshal las grub pa'i dpal gnyan gyi mgon po zhal bzhi yongs rdzogs kyi bris sku 'phags pa rin po che'i phyag nas ngo mtshar ba'i byin rlabs kyi rgyun dang ldan pa la/ thod pa dang mtshan ldan gyi gtor snod du gtor tshogs dang bcas te/ sgrub yig rnams nas ji ltar bshad pa bzhin gtsug lag khang 'di'i gnas gtad bka' bsgo legs par mdzad nas bzhugs su gsol zhing / sgo'i phyi ngos su dgyes pa rdo rje dpa' bo gcig pa'i skus brgyan pa la phyag rgyas btab ste/ slad nas g.yo ba dang / mthong ba dang bral ba nyid do/ / gtso bo'i g.yas phyogs nas rim pa bzhin bdud dmag nyi khri chig stong brlag par byed pa bka' nyan gyi gtso bo gnod sbyin yab dang / dam nyams rnams kyi sha la dga' zhing khrag la rol ba gnod sbyin yum dang / srid pa gsum po zhal du 'dren pa shar gyi sgo ma seng gdong ma stag dang bya nag sogs kyi sprul pa dang bcas pa/ dur khrod rnams su khrag la sred pa lho'i sgo ma gzig gi gdong can spyang ki khyung [A:127]sogs kyi sprul pa dang bcas pa/ khams gsum po cig car gzigs pa nub kyi sgo ma dom gyi gdong can ma glang po dang mkha'
lding sogs kyi sprul pa dang bcas pa/ sde brgyad yongs la dbang bsgyur ba byang gi sgo ma dred gdong ma g.yag dang khyung sogs kyi sprul pa dang bcas pa'o/ / gtso bo'i g.yon phyogs nas rim pa bzhin/ mkha' 'gro spyi'i yum e ka dza TI dang / khams gsum zil gyis gnon cing khyad par 'dod pa'i khams la dbang byed pa dpal ldan lha mo chu srin gdong ma'i 'khor dang bcas pa/ mgon po nyid kyi thugs las sprul pa'i sras dam can bu ltar skyong ba pu tra nag po dang / dgra bgegs khram la 'debs