R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}

  • Pagination (Witness B): 41a
[B:41a]g.yon phyogs nas rim pa bzhin dpal rdo rje gdan bzhi pa/ dpal kye rdo rje mtshon cha can/ dpal 'khor lo bde mchog dpal kha sbyor rdo rje sems dpa'/ dpal sgyu ma chen mo/ dpal sangs rgyas thod pa/ dpal lha mo rig byed ma/ dpal phyag na rdo rje 'byung po 'dul byed/ sgo'i g.yas na rdo rje phur pa/ rgyal chen rnam sras ser chen/ g.yon na gnod sbyin rdo rje bdud 'dul rnams rang rang gi 'khor tshogs dang bcas pa/ sgo gong na gtsug tor dri ma med pa/ de'i g.yas g.yon na phyag na rdo rje 'gro bzang dang / khang bu brtsegs pa'o/ / de lta bu'i chos kyi dbyings kyi pho brang de na yang / rin po che dngul las grub pa'i dpal dus kyi 'khor lo nas gsungs pa'i phyag tshad ji lta ba'i bum pa bcu phrag gcig la sogs [A:132]pa mchod pa'i yo byad dpag tu med pa/ steng du gan ji ra dang rnga thug du mas brgyan par byas pa'o/ / de'i mdo'i bkod ris la/ mkhas grub chen po mkhan chen g.yag pa dang / rong ston shes bya kun rig gnyis kyi sku 'dra chos ra ma/ bdag nyid chen po sa paN gyis bsam yas su phyag bris su btab pa'i 'jam dbyangs phyag mtshan snyan dngags dang bcas pa'i bkod pa/ sgra ka lA pa'i gleng gzhi rnams so/ / Library Holdings thar thog zhal ras lha khang gi 'gram g.yas na phyag dpe khang ka bzhi ma na rgyal ba'i bka' dri ma med pa kha ba can du 'gyur ba ma lus pa rnams dang / de rnams kyi dgongs 'grel bstan bcos 'gyur ro cog dang / paN chen shAkya shrIs rgya gar nas yum rgyas pa la rgya dpe po ti bzhir byas nas gdan drangs pa sa skyar bdag nyid chen po sa skya paNDi ta'i phyag dpe khang du bzhugs pa las 'phros pa'i po ti gcig dang / snye thang chos rdzong nas chos rje bla ma'i phyag dpe dus 'khor gyi rgya dpe gcig gis gtsos pa'i rgya dpe kha shas/ dpal sa skya pa'i rje btsun khu dbon gyi bka' 'bum tshar gnyis/ chos rje bla ma dang theg chen chos kyi rgyal po'i bka' [A:133]'bum/ brag thog chos rje dang rje btsun dam pa 'di nyid kyi bka' 'bum/ bu ston rin po che dang thams cad mkhyen pa byams pa gling pa'i bka' 'bum/ gzhan gsang sngags gsar rnying / mdo phyogs sogs kyi gsung rab gal che ba ma tshang ba med pa bzhugs so/ /
'gram