[B:46a]khang bzang stong gis bskor ba'i rdo rje'i gdan/ /
gdan thog gcig tu bzhengs pa'i cho 'phrul bstan/ /
bstan 'dzin dge 'dun 'bum phrag 'dus pa'i sde/ /
sde snod gsum gyi chos sgra sgrog pa'i sa/ /
sa chen khor yug bcas pa'i thig le che/ /
che dgus mchod 'os rdo rje gdan po dngos/ /
dngos grub kun gyi 'byung gnas rdo rje theg /
theg mchog mthar thug gsang chen zab zhi'i chos/ /
chos 'khor lha yi rnga chen bdud las rgyal/ /
rgyal ba longs spyod rdzogs sku'i zhing khams yin/ /
a ho 'di na shAkya'i bstan pa mdo sngags theg lam sa chen po/ /
mthu stobs dbang phyug khyod kyi mdzad mchog phrin las bzhi [A:151]yi dpung pas bzung / /
theg chen chos kyi 'khor los sgyur rgyal dpal ldan 'jigs med dpa' bo'i bka'/ /
sa gsum mkhas dang grub pa'i spyi bor me tog phreng ba bzhin du 'dzin/ /
dpal ldan bla ma dam pa'i rnam par thar pa ngo mtshar rin po che'i gter mdzod las bstan pa spyi dang khyad par gyi rtsa lag tu gyur pa'i mdzad pa bstan pa'i skabs te bcu pa'o/ /
CHAPTER 11: EXPOSITION, DISPUTATION AND COMPOSITION; A: pp. 151-176; B: ff. 46a4-53a5
src: A translation of this chapter is contained in Fermer 2010.
bcu gcig pa 'chad rtsod rtsom pas thub pa'i bstan pa gsal bar mdzad cing / mtha' yas pa'i gdul bya smin grol la 'godbkod pa'i tshul ni/
kun mkhyen shAkya'i ring lugs shing rta che/ /
dga' chen he ru ka dang rnam dbyer med/
rgyal ba kun dngos sa gsum 'gro ba yi/ /
dpal mgon bzang po mtshungs pa med khyod rgyal/
gnas gsum shes bya'i nam mkha' la/ /
mkhyen pa'i dkyil 'khor cha shas rdzogs/
'chad rtsod rtsom pa'i 'od stong gis /
thub bstan pad tshal rgyas mdzad do/ /
Exposition: pp. 151.15-155.8; B: ff. 46a6-47a5
de yang bdag cag gi bla ma dpal thams cad mkhyen pa de/ lung rtogs kyi chos thams cad la mnga' dbang du gyur pa'i rang byung gi sku brnyes pas bsdu ba'i dngos po bzhi'i sgo nas/ lhun grub rgyun mi 'chad pa'i rnam [A:152]
thar gyis mtha' yas pa'i gdul bya smin grol la 'god tshul bsam gyis mi khyab ste/ khyad par lnga brgya pa'i tha ma la nye ba'i dus 'dir/ bstan pa 'dzin pa'i skyes chen dam pa phul du byung ba rnams kyi bka' srol bzang po rnams las phyir phyogs pa'i bshes gnyen phal cher ni mi shes bzhin du chos ston la / shes par rlom pa phal