[A:217]ནས། འདི་ནས་ཚུར་བཤད་པའི་རྩིས་ཀྱིས་ཟིན་ཀྱང་ཡིད་ཆེས་མི་འབྱུང་བས། ཁྱོད་ཀྱིས་ལེགས་པར་ཤོད་ཅིག་བྱས་སོ། །དེར་གནས་མོ་ན་རེ། བློན་པོ་ཆེན་པོ་ལེགས་པར་ཡིད་ལ་ཟུངས་ཤིག ལྷ་གཅིག་འཕྲུལ་གྱི་ཀོང་ཇོ་དེ། བུ་མོ་གཞན་པས་ཆེ་རྒྱུ་མེད། །སྐྱེ་གཟུགས་གཞན་པས་ལེགས་རྒྱུ་མེད། །རྒྱན་གོས་གཞན་པས་བཟང་རྒྱུ་མེད། །དེ་ལ་མོ་ཡི་ཁྱད་ཆོས་ནི། །སྐུ་མདོག་སྔོ་ལ་དམར་བའི་མདངས་ཆགས་པ་ཞིག་ཡོད། ཞལ་ནས་ཨུཏྤལ་སྔོན་པོའི་དྲི་བྲོ་བ། ལུས་དྲི་ཞིམ་པས་གཡུའི་སྦྲང་མ་གཅིག་འཁོར་གིན་ཡོད། མཁུར་ཚོས་གཡས་པའི་སྟེང་ན་ཆོ་ལོ་རིས། གཡོན་པའི་སྟེང་ན་པདྨ་རིས། དཔྲལ་བའི་དཀྱིལ་ན་སིནྡྷུ་རའི་ཐིག་ལེའི་སྟེང་ན། ཨཱརྱ་ཏཱ་ར་ནས་ཙམ་ཞིག་ཡོད། སོ་ལ་སོ་ཞོ་ཡོད། ཨོག་མ་ལ་ཨོག་ཞོ་ཡོད། ལྷ་གཅིག་ཀོང་ཇོ་དེ། བུ་མོ་སུམ་བརྒྱ་བསྒྲིགས་པའི་ཐ་མར་ཡང་མི་འོང༌། དཀྱིལ་དུ་ཡང་མི་འོང༌། གཡོན་གྲལ་ནས་བསྒྲིགས་པའི་དྲུག་གི་གོང་དུ་འོང༌། ལྷ་གཅིག་དེ་ལུས་དང་གོས་ལ་གྱ་བསྲུང་སྟེ། ལུས་དང་གོས་ལ་རེག་ས་མེད་པས། མདའ་གསར་པ་ཞིག་ལ་དར་ལེབ་རྒན་ཁ་གང་ཐོགས་ལ། ལྷ་གཅིག་གི་རྩར་སླེབ་པ་དང༌། མོས་དར་གོས་ཤམ་བུ་ལྔ་བརྩེགས་སྟེང་ན་དྲི་མ་ལྕམ་མེ་བ་ཞིག་གོན་ཡོད་པས། དེའི་གོང་བ་ནས་མདའི་ལྟོང་གིས་བཟུང་ལ་འཐེན་ཅིག་ཟེར་རོ། །དེར་མགར་གྱིས། ཆས་དེ་རྣམས་བཤིག ལུས་སེམས་དགའ་བདེས་ཁྱབ་པར་གྱུར་ནས། ངེད་བོད་བློན་རྣམས་སྔོན་ཆད་ཀྱང་མགོ་ཐོན། ད་རུང་མགོ་ཐོན་པ་ཞིག་དགོས་སོ། །ངེད་ཚོས་རྒྱ་ནག་ཏུ་ཚོང་ལ་འོངས་པ་ཡང་མིན་ནོ། །བཤེས་གཉེན་སྐྱོང་དུ་འོང་བ་ཡང་མིན་ནོ། །ལྷ་གཅིག་འདི་སྤྱན་དྲོངས་ན། ངེད་རྣམས་མགོ་ཐོན་པ་ཡིན་པས། བརྟག་པ་ལེགས་པོ་བྱེད་དགོས་སོ། །ད་ནི་ཞག་གསུམ་གྱི་ཉིན་བུ་