[A:235]གཉིས། །ཕ་མིང་སྐལ་བརྫངས་ཐམས་ཅད་མཉམ་ལགས་ཀྱང༌། །སྨོན་ལམ་དབང་གིས་རྒྱལ་པོའི་དྲུང་འདིར་འཛོམ། །ཆེན་ཆུན་བྱུང་བ་མིང་གི་ཁྱད་པར་ཡིན། ། སྙན་དན་ཚག་པ་མོ་དང་ཆེན་ཆུན་སོགས། །མཐུན་པོར་འགྲོགས་ན་ཚེ་འདིའི་སྤུན་ལས་ལྷག །ཆགས་སྡང་བྱེད་ན་རང་མགོ་སུ་དྲུང་ཡིན། །རྒྱ་དང་བལ་ཡུལ་ས་ཐག་རིང་བ་ན། །ཡབ་གཅིག་རྒྱལ་པོ་གཉིས་ནི་སོ་སོར་བཞུགས། །ཡུལ་གྱི་ཕ་མིང་ངོམ་ནའང་འགྲན་པས་ཆོག །ཕན་བདེའི་དགེ་ལེགས་ཐམས་ཅད་འབྱུང་བའི་གཞི། །མཐོང་ཐོས་དྲན་རེག་ཡོན་ཏན་བསམ་མི་ཁྱབ། །ཇོ་བོ་རྣམ་གཉིས་ངོམ་ནའང་འགྲན་པས་ཆོག །རིན་ཆེན་གསེར་དངུལ་དར་ཟབ་སྣ་ཚོགས་དང༌། །རྟ་དང་རྔ་མོ་དྲེལ་ལ་སོགས་པ་ཡི། །རང་གི་སྐལ་བརྫངས་ངོམ་ནའང་འགྲན་པས་ཆོག །འཇིག་རྟེན་བྱ་བ་བཟོའི་རྣམ་འགྱུར་དང༌། །རྒྱན་གྱི་བཀོད་པ་ཟས་ཀྱི་གཡོས་སྣ་དང༌། །ཕྱི་ཡི་སོ་ནམ་བཀལ་ཐག་ཡོན་ཏན་སོགས། །མཛངས་མའི་ལག་རྗེས་ངོམ་ནའང་འགྲན་པས་ཆོག །ཅེས་ཟེར་རོ། །དེར་བློན་པོ་མགར་གྱིས་ཀྱང༌། རྒྱ་ནག་རྒྱལ་པོས་ཉེ་རིང་བྱས་པ། ལྷ་གཅིག་ཀོང་ཇོས་བོད་ལ་ལོག་ལྟ་བྱས་པ། རྒྱ་ཡུལ་དུ་དཀའ་ལས་ཆེན་པོ་བྱུང་བ་རྣམས་ཡིད་ལ་དྲན་ཏེ། ཟླ་བ་གཅིག་མ་ལོན་བར་དུ། ཀོང་ཇོ་དཔོན་གཡོག་རྣམས་ལ་འཁོར་མཁན་མི་གཅིག་ཀྱང་མེད་པ་བྱས་སོ། །དེར་རྒྱ་མོའི་འཁོར་རྣམས་ན་རེ། བོད་ཡི་དྭགས་ཀྱི་རྒྱལ་ཁམས་ཡིན་ཟེར་བ་བདེན་པར་འདུག་བཟའ་བཏུང་ལོངས་སྤྱོད་ནི་མི་འོང་བར་འདུག་ཟེར་རོ། །དེ་ཐོས་པ་དང༌། རྒྱ་མོ་བཟའ་ཡང་སེམས་ལ་བཟོད་ཐབས་མ་བྱུང་བར་བློན་པོ་མགར་བོས། བློན་པོ་ཆེན་པོ་ཁྱེད་རང་ཇི་ལྟར་གསུངས་པ་ལ་བརྟེན་ནས་འོང་བ་ཡིན་པ། ཁྱི་བོས་ནས་མ་བརྡུང༌། ཁྲེལ་མེད་གདོང་ཆུང་མི་བྱེད་