[A:235]gnyis/ /pha ming skal brdzangs thams cad mnyam lags kyang / /smon lam dbang gis rgyal po'i drung 'dir 'dzom/ /chen chun byung ba ming gi khyad par yin/ / snyan dan tshag pa mo dang chen chun sogs/ /mthun por 'grogs na tshe 'di'i spun las lhag /chags sdang byed na rang mgo su drung yin/ /rgya dang bal yul sa thag ring ba na/ /yab gcig rgyal po gnyis ni so sor bzhugs/ /yul gyi pha ming ngom na'ang 'gran pas chog /phan bde'i dge legs thams cad 'byung ba'i gzhi/ /mthong thos dran reg yon tan bsam mi khyab/ /jo bo rnam gnyis ngom na'ang 'gran pas chog /rin chen gser dngul dar zab sna tshogs dang / /rta dang rnga mo drel la sogs pa yi/ /rang gi skal brdzangs ngom na'ang 'gran pas chog /'jig rten bya ba bzo'i rnam 'gyur dang / /rgyan gyi bkod pa zas kyi g.yos sna dang / /phyi yi so nam bkal thag yon tan sogs/ /mdzangs ma'i lag rjes ngom na'ang 'gran pas chog /ces zer ro/ /der blon po mgar gyis kyang / rgya nag rgyal pos nye ring byas pa/ lha gcig kong jos bod la log lta byas pa/ rgya yul du dka' las chen po byung ba rnams yid la dran te/ zla ba gcig ma lon bar du/ kong jo dpon g.yog rnams la 'khor mkhan mi gcig kyang med pa byas so/ /der rgya mo'i 'khor rnams na re/ bod yi dwags kyi rgyal khams yin zer ba bden par 'dug bza' btung longs spyod ni mi 'ong bar 'dug zer ro/ /de thos pa dang / rgya mo bza' yang sems la bzod thabs ma byung bar blon po mgar bos/ blon po chen po khyed rang ji ltar gsungs pa la brten nas 'ong ba yin pa/ khyi bos nas ma brdung / khrel med gdong chung mi byed